Ստեփանակերտ քաղաքում` ներքաղաքային ավտոբուսների կանոնավոր փոխադրումների նոր սակագին սահմանելու հետ կապված խնդիրներին էր առնչվում քաղաքապետ Սուրեն Գրիգորյանի մոտ հրավիրված աշխատանքային խորհրդակցությունը, որին քաղաքապետարանի պատասխանատուներից բացի հրավիրված էին նաև <<Ստեփանակերտ-Սերվիս>> ՓԲԸ և <<Մհեր>> ՍՊԸ ղեկավարները:

Ղեկավարվելով <<Տեղական ինքնակառավարման մասին>> Լեռնային Ղարաբաղի Հանրապետության օրենքի 32-րդ հոդվածի 1-ին մասի 19-րդ  կետով, քաղաքապետ Սուրեն Գրիգորյանը որոշում է ստորագրել Ստեփանակերտ քաղաքի օրհներգի /հիմնի/ ընտրության բաց մրցույթ անցկացնելու մասին:

Մրցույթի անցկացման ժամկետը սահմանվել է 100/հարյուր/ օր` մրցույթի վերաբերյալ հայտարարությունը զանգվածային լրատվության միջոցներով հրապարակելու օրվանից:

Մրցույթի անցկացման աշխատանքները կազմակերպելու նպատակով ստեղծվել է մրցութային հանձնաժողով, որը կգլխավորի քաղաքապետ Ս.Գրիգորյանը:

Կիսամյակի արդյունքները քաղաքապետը դրական է գնահատում,

բայց բավարար չի համարում

Հուլիսի 15-ին կայացավ Ստեփանակերտի քաղաքային համայնքի ավագանու հերթական նիստը, որը վարում էր  քաղաքապետ Սուրեն Գրիգորյանը: Օրակարգում ընդգրկվել էին մեկ տասնյակից ավելի հարցեր, որոնց ճնշող մասը վերաբերում էր համայնքի սեփականություն հանդիսացող բնակարանների` նվիրատվության կարգով և ուղղակի վաճառքի ձևով օտարմանը, ինչպես նաև ոչ բնակելի տարածքները`վարձակալության իրավունքով տրամադրելուն:

Մայրաքաղաքների միջև ավելի է սերտանում բարեկամությունը

Երևանի քաղաքապետ Տարոն Մարգարյանի գլխավորած պատվիրակության հերթական այցն Արցախ, նախորդներից առանձնանում էր ինչպես ներկայացուցչական ընդգծված կազմով, այնպեսէլ` միջոցառումների հագեցած ծրագրով: Քաղաքապետարանի պատասխանատուներից բացի այս անգամ պատվիրակության մեջ ընդգրկվել էին նաև Երևանի վարչական բոլոր շրջանների ղեկավարները, մայրաքաղաքի կրթամշակութային և առողջարարական մի շարք հաստատությունների տնօրեններ /հատկանշականէ, որ Ստեփանակերտում նրանց են միացել նաև Երևան-Ստեփանակերտ թվով երկրորդ մարզաառողջարարական համատեղ արշավի թվով150 մասնակիցները/:

Հուլիսի 6-ին  բազմամարդ էր  մայրաքաղաքի Տոնոյանի անունը կրող մանկական զբոսայգին: Այդ օրը շնորհիվ Արցախի բարեկամ ու մեծ բարերար Անդրեյ Ռապապորտի,  դրվեց  նոր մանկական զբոսայգու շինարարության հիմքը:

Միջոցառմանը ներկա էին ԼՂՀ բարձրաստիճան այրեր` նախագահ Բակո Սահակյանի գլխավորությամբ, ԱԺ պատգամավորներ, ԼՂՀ և քաղաքային իշխանությունների ներկայացուցիչներ, հարյուրավոր ստեփանակերտցիներ:

Ինչպես արդեն տեղեկացվել է, ս.թ. սեպտեմբերի երրորդ շաբաթ օրը մեր տոնացույցում այսուհետ ամրագրված է որպես քաղաքի /Ստեփանակերտի/ օր:

Կապված քաղաքի ավանդական օրվա հետ, սեպտեմբերի 20-21-ը մայրաքաղաքում կանցկացվեն տոնական ամենատարբեր միջոցառումներ: Թե ծրագրի շրջանակներում մշակութային ու մարզական ինչպիսի միջոցառումներ են նախատեսվում կազմակերպել Ստեփանակերտում և ինչպիսի քայլեր են ձեռնարկվում տոնն առավել հետաքրքիր ու հագեցած դարձնելու համար, այդ մասին  շահագրգիռ խոսակցություն ծավալվեց հուլիսի 4-ին քաղաքապետարանում հրավիրված աշխատանքային խորհրդակցության ժամանակ, որը վարում էր քաղաքապետ Սուրեն Գրիգորյանը:

Հանրագումարել է պետք կիսամյակի արդյունքները

Տարին կիսվել է արդեն: Եվ, բնականաբար, հանրագումարել է պետք անցած կիսամյակի արդյունքները: Անհրաժեշտ է` ըստ ոլորտների վերլուծել կատարված աշխատանքը և հստակեցնել առաջիկա անելիքները: Իսկ, թե ինչ ակնկալիքներ կարելի է ունենալ անցած ժամանակաշրջանում քաղաքապետարանի համապատասխան բաժինների ու նրա ենթակայության տակ գտնվող կառույցների գործունեության ամփոփ արդյունքներից ու, արդյոք, դրանք կբավարարեն սպասելիքները, այդ մասին հանգամանորեն խոսվեց հուլիսի 1-ին Ստեփանակերտի քաղաքապետ Սուրեն Գրիգորյանի կողմից հրավիրված աշխատանքային խորհրդակցության ժամանակ:

          Քաղաքապետարանի մշակույթի, երիտասարդության հարցերի և զբոսաշրջության բաժնի հետ համագործակցում են մայրաքաղաքի մի շարք երիտասարդական հասարակական կազմակերպություններ: Բաժինն աջակցում է նրանց՝ իրականացնելու տարբեր ծրագրեր: Եվ  համատեղ ջանքերի արդյունքում գեղեցիկ և նպատակային  միջոցառումներ են ծնունդ առնում: