Հուլիսի 8-ին Ստեփանակերտի Խ.Աբովյանի անվան հ. 1 հիմնական դպրոցի մարզադաշտում բակային թիմերի  միջև մեկնարկել է <<Կաշվե գնդակի>> քաղաքային մրցաշարը:

Մրցումներին մասնակցում են մայրաքաղաքի 2006-2007թթ. ծնված պատանիների ֆուտբոլի 16 բակային թիմեր:

Ըստ վիճականության, թիմերը բաժանվել են 4 ենթախմբերի, որտեղ շրջանային եղանակով I  և  II տեղեր գրաված թիմերը պայքարը կշարունակեն օլիմպիական եղանակով: Մրցաշարի ժամանակ ի հայտ կբերվեն լավագույն 3 թիմերը:

I, II  և  IIIտեղեր գրաված թիմերը Ստեփանակերտի քաղաքապետարանի կողմից կպարգևատրվեն դիպլոմներով, նվերներով, կարժանական դրամական պարգևների:

ՍՏԵՂԾՎԵԼ Է ՔԱՂԱՔԱՅԻՆ ՀԱՆՁՆԱԺՈՂՈՎ

Քաղաքապետ Սուրեն Գրիգորյանը որոշում է ստորագրել Ստեփանակերտ քաղաքի օրվան նվիրված տոնական միջոցառումների կազմակերպման և անցկացման նպատակով քաղաքային հանձնաժողով ստեղծելու վերաբերյալ և հաստատել անհատական կազմը:

Հանձնաժողովի մեջ, որ կգլխավորի քաղաքապետը, ընդգրկվել են ինչպես քաղաքապետարանի պատասխանատուներ, այնպես էլ մի շարք հիմնարկությունների և կազմակերպությունների ղեկավարներ, պատգամավորներ, ստեղծագործական կառույցների ներկայացուցիչներ:

Ստեփանակերտի քաղաքապետարանի  մամուլի ծառայություն

Գործունեության 13-ամյա հոբելյանի առիթով, քաղաքապետ Ս.Գրիգորյանը <>-ի /Բրազիլիա, Սան Պաուլո/ ստեղծագործական կոլեկտիվին, ի դեմս գլխավոր խմբագիր Սարգիս Կարամանուկյանի, շնորհավորական նամակ է ուղարկել, ուր մասնավորապես ասված է.

<<Ստեփանակերտի քաղաքապետարանի և անձամբ իմ անունից ի սրտե շնորհավորում եմ ռադիոխմբագրության հիմնադրման 10-ամյակի կապակցությամբ: Մաղթում եմ ստեղծագործական նորանոր հաջողություններ, անխաթար եթեր, ծրագրերի ու մտահղացումների լիակատար իրագործում` ի շահ աշխարհասփյուռ հայության, ի շահ` Հայաստան-Արցախ-Սփյուռք եռամիասնության զորացման>>:

Ստեփանակերտի Ն.Ստեփանյանի անվան զբոսայգում կայացել է <<Հովանոցների արահետ>> փառատոնը` գույների և լույսերի ներդաշնակ համադրմամբ: Միջոցառմանը, որ ուղեկցվել է երգ-երաժշտությամբ, պարերով, իրենց մասնակցությունն են բերել մայրաքաղաքի ամենատարբեր տարիքի մարդիկ: Բնականաբար, օրվա գլխավոր հերոսները հանդիսացել են փոքրիկները` իրենց ուրախ և անհոգ ժպիտներով, հեքիաթային տրամադրությամբ:

<> ֆբ էջի հայտարարած լավագույն ընտանիք մրցույթում հաղթող է ճանաչվել Ստեփանակերտի վիքիակումը /Stepanakert Wikiclub-ի վեիքիընտանիքը/:

<<Հովանոցների արահետ>> նախաձեռնության հեղինակ Նատելլա Դանիելյանի գաղափարը կյանքի է կոչվել <<ՕՍՄ>> հիմնադրամի շնորհիվ:

ՄԱՅՐԱՔԱՂԱՔՆԵՐԻ ՄԻՋԵՎ ՀԱՍՏԱՏՎԱԾ ԲԱՐԵԿԱՄՈՒԹՅՈՒՆԸ  ՇԱՐՈՒՆԱԿՎՈՒՄ Է

Հայկական երկու մայրաքաղաքների միջև` համագործակցության և բարեկամության մասին ստորագրված համաձայնագրի շրջանակում, ամենատարբեր բնագավառներում շարունակվում են սերտաճել կապերն ու շփումները: Տարեցտարի ընդլայնվում, խորացվում են փոխգործակցության ուղղությունները, նոր որակ են ձեռք բերում Ստեփանակերտի ու Երևանի քաղաքապետարանների միջև սկզբնավորված գործընկերային հարաբերությունները:

Համերգային հագեցած ծրագրով են տարեկան իրենց հաշվետվությունը ներկայացրել Ստեփանակերտի Կոմիտասի անվան երաժշտական դպրոցի սաները:

Համերգացանկում ընդգրկվել էին ինչպես դասական, այնպես էլ ժամանակակից կոմպոզիտորների ստեղծագործություններ: Ընդ որում, ելույթներում իրենց մասնաբաժինն ունեին կրթօջախների գրեթե բոլոր բաժինների սովորողները:Սաների Կատարումները, որ ընդունվեցին ջերմ ծափերով, մեծ բավականություն պատճառեցին ունկնդիրներին: Հանդիսատեսների վրա հատկապես անջնջելի տպավորություն թողեց <<Քաղաքի տղաները>> խմբի ելույթը, որ ներդաշնակ և ոգևորիչ հնչեցրին շնորհաշատ փոքրիկ երաժիշտները` նվաճելով բոլորի ուշադրությունը:

Հունիսի 4-ին Ստեփանակերտի մշակույթի և երիտասարդության պալատի լեփլեցուն դահլիճում կայացել է Հ.Գյուրջյանի անվան արվեստի դպրոցի սաների տարեկան հաշվետու համերգը:

Շուրջ երկու ժամ տևած <<ստուգատեսի>> ժամանակ կրթօջախի սաները ցուցադրել են երգելու, նվագելու և պարելու  իրենց շնորհքն ու կարողությունները` գեղագիտական բավականություն պատճառելով ունկնդիրներին: Բոլոր ելույթներն ուղեկցվել են ջերմ ծափերով և ուրախ բացականչություններով` որպես գնահատանք ուսուցիչների և աշակերտների համատեղ, ստեղծագործ տքնանքի ու բոլորանվեր աշխատանքի:

Ստեփանակերտի քաղաքապետարանի  մամուլի ծառայություն

«Բաց դռներ, ամուր դարպաս». այս կարգախոսի ներքո է տրվել «Կոնիֆա»—ի անկախ ֆուտբոլային ասոցիացիաների կոնֆեդերացիայի Եվրոպայի թվով երրորդ առաջնության հանդիսավոր բացման արարողությունը՝ Ստեփանակերտի Ստեփան Շահումյանի անվան հանրապետական մարզադաշտում, որը հյուրընկալել էր ավելի քան 15 հազար մարզասերների Արցախի տարբեր շրջաններից, Հայաստանից, արտերկրից։ Միջոցառումը, որ ուղիղ եթեր է հեռարձակվել Արցախի եւ Հայաստանի հանրային հեռուստատեսությամբ եւ «Կոնիֆա»—ի մարզական հեռուստախողովակներով, դիտելու հնարավորություն էր տվել շուրջ 400 մլն ֆուտբոլասերների։

ՀՐԱՊԱՐԱԿՈՒՄ ՄԱՆՈՒԿՆԵՐ ԵՆ` ՈՒՐԱԽ ՈՒ ԶՎԱՐԹ ՀԱՅԱՑՔՆԵՐՈՎ

Նորանկախ Արցախի Հանրապետությունում երեխաների իրավունքների պաշտպանությունը, նրանց համար երջանիկ և անհոգ մանկություն ապահովելու խնդիրները շարունակում են առաջնահերթ մնալ: Երկրում առանձնահատուկ ուշադրություն է դարձվում մատաղ սերնդի կրթության և դաստիարակության գործին, նրանց առողջության պահպանմանը: Կազմակերպիչների կողմից ջանք չի խնայվել հունիսի 1-ը երեխաների համար տոն դարձնելու համար: Ինչպես գերատեսչությունները, այնպես էլ` մայրաքաղաքում գործող հասարակական կազմակերպությունները ձգտել են ոգևորություն պարգևել մանուկներին, օրը լցնել ջերմությամբ ու ժպիտներով:

Նպատակ ունենալով հավերժացնել բանաստեղծ, արձակագիր, դրամատուրգ, հրապարակախոս, ԽՍՀՄ գրողների միության անդամ Վազգեն Գարեգինի Օվյանի հիշատակը, քաղաքապետ Սուրեն Գրիգորյանը որոշում է ստորագրել մայրաքաղաքի Մ.Բաղրամյան փողոցի N1 բնակելի շենքի կողային մասում նրա հարթաքանդակը տեղադրելու վերաբերյալ:

Ստեփանակերտի քաղաքապետարանի մամուլի ծառայություն