Մայիսի 22-ին կայացավ Ստեփանակերտի քաղաքային համայնքի ավագանու նիստը, որը վարում էր քաղաքապետ Սուրեն Գրիգորյանը:

Օրակարգում ընդգրկված հարցերի զգալի մասը վերաբերում էր քաղաքային համայնքի սեփականություն հանդիսացող ոչ բնակելի տարածքների` ուղղակի վաճառքի ձևով օտարմանը, վարձակալության իրավունքով տրամադրմանը, ինչպես նաև մի խումբ քաղաքացիների` համայնքի սեփականություն հանդիսացող մի շարք բնակարաններ նվիրատվության կարգով օտարմանը:

Նիստում օրակարգում ներառված հարցերը /նախագծերը/ ավագանու դատին ներկայացրեց քաղաքապետարանի բնակարանային, կոմունալ տնտեսության և բնապահպանության բաժնի պետ Կառլեն Գրիգորյանը:

Ընդլայնվում են համագործակցության շրջանակները

Երևանի և Ստեփանակերտի քաղաքապետարանների միջև գործնական կապերի ամրապնդման և համագործակցության հետագա խորացման հնարավորություններն են քննարկումների առարկա հանդիսացել մայիսի 21-ին Ստեփանակերտի քաղաքապետ Սուրեն Գրիգորյանի` Երևանի պատվիրակության անդամների հետ կայացած հանդիպման ժամանակ, որի կազմում են Արաբկիր վարչական կենտրոնի ղեկավար Հրայր Անտոնյանը, Երևանի քաղաքապետարանի արտաքին կապերի վարչության պետ Դավիթ  Գևորգյանը և այլ պատասխանատուներ:

Ուղիղ երկու ամիս առաջ Ստեփանակերտի քաղաքապետարանի կայք էջում տեղեկատվություն էր տեղադրվել այն մասին, որ Երևանի քաղաքապետ Տարոն Մարգարյանի հովանավորությամբ Փ.Թերլեմեզյանի անվան գեղարվեստի պետական քոլեջի ուսանողները /թվով 12 հոգի/ վարդագույն տուֆից կերտել են տարբեր քանդակներ, որոնք կտեղափոխվեն Արցախի մայրաքաղաք և <<կհանգրվանեն>> պուրակներում, կրթամշակութային օջախներին հարակից տարածքներում:

Մայիսի 13-ին հանրապետության տարածքում ուժգնած քամին չի շրջանցել և մայրաքաղաք Ստեփանակերտը: Քամու պատճառով վնասվել ենմայրաքաղաքիբազմաբնակարան շենքերի տանիքները, էլեկտրասյուններն ու էլեկտրալարերը, գովազդային պաստառներ և վահանակներ: Տուժել են երկու ենթակայաններ, գետնին   տապալվել տարեց ծառեր:

Ծաղկեպսակ է տեղադրվել  նաև Ստեփանակերտի քաղաքապետարանի անունից

Մայիսի 9-ին Արցախի ժողովուրդն աշխարհի համայն հայության հետ նշեց իր ամենապայծառ ու նվիրական տոներից մեկը` մայիսյան եռատոնը: Նշեց այն            հորդաբուխ, հպարտ ու միասնական, ինչպես 1945-ի մայիսի 9-ին էր, երբ մեր պապերի ու հայրերի հերոսության  և անձնազոհության շնորհիվ շուրջ 7 տասնամյակ առաջ կերտվեց Մեծ հաղթանակը, իսկ 47 տարի  անց, կրկնելով ավագների սխրանքը, համոզիչ հաղթանակ տոնեցին նրանց զավակները` գերությունից ազատագրելով հայոց Շուշին:

Թանկագին ստեփանակերտցիներ

         Ուրախ եմ Ձեզ ողջունելու մայիսյան եռատոնի`  Հայրենական Մեծ պատերազմում տարած հաղթանակի, Շուշիի ազատագրման և պաշտպանության բանակի ստեղծման տարեդարձի կապակցությամբ:

         Մայիսը հայ ժողովրդի պատմության մեջ հայտնի է որպես նվաճումների և հաղթանակների ամիս: 451-ի մայիսին էր, երբ զորավար Վարդան Մամիկոնյանի գլխավորած զորագունդը Ավարայրի դաշտում սկիզբը դրեց այն հերոսամարտի, որի շղթան դարերի միջով ձգվեց մինչև Սարդարապատ, հասավ Բեռլին և Շուշի` ոգեշնչելով հայրենասերների նորանոր սերունդների:

<<Մայիս, հաղթանակների ամիս>>. այս խորագիրն է կրում մայրաքաղաքի դպրոցների աշակերտների` ստեղծագործական լավագույն շարադրությունների մրցույթը, որ նվիրված է Մեծ հաղթանակի 69-րդ, Շուշիի ազատագրման և պաշտպանության բանակի ստեղծման 22-րդ տարեդարձներին: Արդեն ամփոփվել են  մրցույթի արդյունքները և հայտնի դարձել հաղթողների անունները: Եվ սա առիթ էր, որպեսզի Ստեփանակերտի քաղաքապետարանում արժևորվեր դպրոցականների, ինչպես նաև նրանց լեզվի և գրականության ուսուցիչների լավ աշխատանքը:

Արցախում բարի ավանդույթ են դարձել մեր ժողովրդի նվիրյալ զավակների կատարած բարեգործությունները: Խոսքը` մեր երկրում, մասնավորապես` մայրաքաղաք Ստեփանակերտում իրականացվող հովանավորչական ձեռնարկումների մասին է:

Մայիսի 8-ին Հարությունյանների ընտանիքի նախաձեռնությամբ և հովանավորությամբ Ստեփանակերտ քաղաքի Թումանյան փողոցում շահագործվեցբազմահարկ շենք, որը կտրամադրվի սոցիալապես անապահով ընտանիքներին:

Նորակառույցի հանդիսավոր բացման արարողությանը ներկա էին ԼՂՀ նախագահ Բակո Սահակյանը, ԱԺ խոսնակ Աշոտ Ղուլյանը, վարչապետ Արա Հարությունյանը, պետական այլ պաշտոնյաներ, հյուրեր, հարյուրավոր ստեփանակերտցիներ:

Ընդունելություն` Ստեփանակերտի քաղաքապետարանում

Ստեփանակերտի քաղաքապետարանում արդեն ավանդույթ է դարձել մայիսյան եռատոնի կապակցությամբ հյուրընկալել Մեծ Հայրենականի ու Արցախյան պատերազմի վետերաններին և մեծարել նրանց, արժևորել նրանց անցած մարտական ուղին:

Վետերանների հետ հերթական հանդիպումը կայացել է այսօր: Ու, եթե Հայրենական մեծ պատերազմի մասնակիցներից ոմանք ներկայացել էին զինվորական համազգեստով` կրծքներին կրելով մարտական բարձր պարգևներ, ապա Արցախյան պատերազմի վետերանները գերադասել էին քաղաքացիական հագուստով  ներկայանալ և <<առավել տեսանելի դարձնել>> իրենց պապերի ու հայրերի վաստակը:

Հաշված օրեր են մնում Մայիսյան եռատոնին: Եվ մայրաքաղաքը եռանդով նախապատրաստվում է մեր ժողովրդի համար պատմական նշանակություն ունեցող այդ բացառիկ իրադարձությանը: