Սումգայիթյան ջարդերն Ադրբեջանի իշխանությունների կողմից վարած 70-ամյա հայատյաց քաղաքականության արդյունք են, որ ի պատասխան Արցախի բնակչության արդար պահանջի, 1988-ի փետրվարի 20-ին Լեռնային Ղարաբաղի մարզային խորհրդի նստաշրջանի ընդունած հայտնի որոշման, անմեղ մարդկանց նկատմամբ ուղղորդվեցին խոշտանգումներով ու դաժան սպանություններով, հրկիզումներով և ունեցվածքի թալանով, հայկական էթնոսի ոչնչացմամբ: Ցավոք, ցեղասպանության կազմակերպիչներն ու մարդասպաններն իրենց արժանի պատիժը դեռ չեն ստացել և հարևան երկրում շարունակվող հակահայկական ընգծված քարոզչության շնորհիվ, ատելությունն ու թշնամանքը հայ ժողովրդի հանդեպ ավելի է խորանում:

Արցախյան շարժման 24-րդ տարեդարձին, հայրենյաց պաշտպանի օրվան, ինչպես նաև Հայոց բանակի կազմավորման և Շուշիի ազատագրման 20-մյակին էր նվիրված Ստեփանակերտի քաղաքապետարանի կրթության և սպորտի բաժնի կողմից կազմակերպված հայրենասիրական երգերի փառատոնը, որն անցկացվեց մշակույթի և երիտասարդության պալատում:

Փառատոնին մասնակցել են քաղաքի բոլոր հանրակրթական դպրոցները, միաժամանակ Ա.Շահինյանի անվան ֆիզմաթ դպրոցը:

 Ֆիզիկական կուլտուրայի և սպորտի զարգացման գործում ունեցած վաստակի համար Ստեփանակերտի քաղաքապետարանի աշխատակազմի սպորտի գծով գլխավոր մասնագետ Էդուարդ Առուշանյանը, ԼՂՀ Նախագահի 2012թ.  փետրվարի7-ի հրամանագրով արժանացել է ֆիզիկական կուլտուրայի և սպորտի վաստակավոր գործչի պատվավոր կոչման:

Քաղաքապետարանի նախաձեռնությամբ փետրվարի 1-ից 19-ը դպրոցականների միջև անց է կացվել բասկետբոլի քաղաքային առաջնություն, որին իրենց մասնակցությունն  են բերել մայրաքաղաքի հանրակրթական 8  դպրոցների աշակերտները: Քաղաքապետարանի աշխատակազմի սպորտի գծով գլխավոր մասնագետ Էդուարդ Առուշանյանի հավաստմամբ, նման սպորտային միջոցառումները նպաստում են դպրոցականների սպորտային ընդունակությունների դրսևորմանը,  վարպետության բարձրացմանը, հնարավորության ընձեռնումի հայտբերել ուժեղագույն թիմերին:

  Բնակչության ճանապարհային անվտանգ երթևեկությունը բարելավելու և ավտոճանապարհային վթարներից խուսափելու նպատակով,  Ստեփանակերտի քաղաքապետարանի աշխատակազմի զարգացման ծրագրերի բաժնի  և ԼՂՀ ոստիկանության ճանապարհային ոստիկանության համապատասխան մասնագետների ուսումնասիրությունների ու եզրակացությունների արդյունքում, համայնքապետարանը մայրաքաղաքում իրականացնում է ճանապարհային նշանների փոխարինման և տեղադրման աշխատանքներ: Քաղաքապետարանի աշխատակազմի զարգացման ծրագրերի բաժինը ակնկալում է քաղաքացիների առաջարկություններն ու դիտողությունները:,

   Տյառնընդառաջ (Տրնդեզ) ազգային-եկեղեցական տոնին էր նվիրված փետրվարի 13-ին Ստեփանակերտի քաղաքապետարանի և ՙ Հայկի Սերունդ ՚ երիտասարդական հասարակական կազմակերպության կողմից կազմակերպված միջոցառումը, որն անց է կացվել Ստեփանակերտի Վերածննդի հրապարակում:    Տոնը , որ հավակնում է դառնալ ավանդական, ուղեկցվում էր մշակույթի քաղաքային տան կատարողների համերգային ծրագրով, ավանդական խարույկներով, ազգային խաղերով, տոնական ուտեստների և աղանդերների մատուցմամբ, մի շարք այլ ուշագրավ ծիսակատարություններով և արարողություններով, հաճելի տպավորություն թողեց մասնակիցների վրա:

    Քաղաքապետ Սուրեն Գրիգորյանի առաջարկությամբ /ԼՂՀ վարչապետի համաձայնությամբ/, ս.թ. փետրվարի 1-ից Ստեփանակերտի քաղաքապետի առաջին տեղակալ է նշանակվել Աուրեն Թամրազյանը, ով նախկինում աշխատում էր որպես ԼՂՀ տնտեսական զարգացման փոխնախարար:

    ՙՄիասին բարեկարգենք մեր քաղաքը, մեր ընդհանուր տունը և, որպես մեկ ընտանիքի անդամ, սրտացավ լինենք նրա նկատմամբ՚,- ավելորդ չհամարելով համաքաղաքացիներին հիշեցնել իրենց թիվ 1 պարտականության մասին, նախընտրական քարոզարշավի ժամանակ սա էր Ստեփանակերտի քաղաքապետ Սուրեն Գրիգորյանի կարգախոսը, ով պաշտոնավարման 100-րդ օրվա կապակցությամբ հանդիպելով լրագրողների հետ, հավատարիմ սկզբունքներին, անդրադարձավ այն խնդիրներին, որոնց ընտրվելու դեպքում, նա խոստացել էր առաջնահերթության կարգով լուծում տալ:

2012թ. հունվար ամսում հողաշինարարական բաժնի կողմից ուսումնասիրվել է քաղաքացիների 10 դիմում: Արդյունքում պատրաստվել են 11 որոշման նախագծեր, 21 պետական /համայնքային/ սեփականություն հանդիսացող հողամասի կառուցապատման իրավունքի տրամադրման մասին պայմանագրեր, հողամասի առուվաճառքի և անհատույց /մշտական/ օգտագործման իրավունքով` տրամադրման մասին 8 պայմանագրեր: