Տարին` առանց պարտքերի

Հաշված օրեր են մնում 2014-ի եզրափակմանը: Քաղաքապետարանի աշխատակազմի բաժիններին և նրա ենթակայության տակ գտնվող հիմնարկություններին ու կազմակերպություններին որքանո±վ է հաջողվել կատարել իրենց առջև դրված խնդիրները և Նոր տարին թևակոխել ձեռքբերումներով: Արդյոք, բոլոր կառույցնե±րն են տարին փակում առանց պարտքերի:

Քաղաքապետ Սուրեն Գրիգորյանի նախագահությամբ դեկտեմբերի 17-ին կայացավ Ստեփանակերտի քաղաքային համայնքի` 2014թ. վերջին նիստը:

Կապված Ամանորի միջոցառումների անցկացման, մայրաքաղաքի տոնական ձևավորման և նախադպրոցական տարիքի երեխաներիհամարնվերների ձեռքբերման հետ, ավագանին փոփոխություններ կատարեց <<Ստեփանակերտի քաղաքային համայնքի 2014թ. բյուջեի մասին>> նախկինում ընդունված որոշման մեջ: 2014թ. չորրորդ եռամսյակի ծախսերի փոխհատուցման նպատակով նիստում որոշում կայացվեց համայնքի ավագանու անդամներին` համայնքի բյուջեի պահուստային ֆոնդից 450 հազար դրամ գումար հատկացնելու վերաբերյալ:

Տոնական ձևավորմանն աջակցել է նաև Երևանը

Ս.թ. դեկտեմբերի 8-15-ը Արցախի պետական համալսարանի մարզադահլիճում Ստեփանակերտ քաղաքի աշխատանքային կոլեկտիվների միջև անցկացվել են վոլեյբոլի մրցումներ: Միջոցառմանն իրենց մասնակցությունն են բերել թվով 8 մարզական թիմեր:

Դեկտեմբերի 7-ին Արցախը 26-րդ անգամ խնկարկեց 1988-ի Սպիտակի ավերիչ երկրաշարժի զոհերի հիշատակը` այցելելով Ստեփանակերտի Հուշահամալիր և ծաղիկներ տեղադրելով վաղամեռիկ տաղանդավոր քանդակագործ Արմեն Հակոբյանի կերտած <<Ղարաբաղի Մեծ մոր ողբը>> հանրահայտ հուշարձանին:

Ամանորի ծրագրի շրջանակներում մայրաքաղաքը նախապատրաստվում է տոնական միջոցառումներին: Հրապարակներում և փողոցներում, հասարակական վայրերում արդեն սկսվել են ձևավորման ու զարդարման, լուսային գունեղ շղարշները և խորհրդանշական հնչեղ գուներանգներով պաստառների տեղադրման աշխատանքները, որոնք համակարգվում են քաղաքապետարանի` տոնական միջոցառումների անցկացման հանձնաժողովի կողմից: Այդ գործընթացին ակտիվորեն ներգրավվել են քաղաքապետարանի համապատասխան  բաժինների, <<Բնակարանային շահագործում ՓԲԸ և <<Արցախէներգո>> ՓԲԸ Ստեփանակերտի մասնաճյուղի ներկայացուցիչները:

Ստեփանակերտի քաղաքապետի հանձնարարագրի համաձայն, մայրաքաղաքում քաղաքաշինության բնագավառում իրավախախտումների կանխարգելման և վերացման նպատակով` 2014 թվականի հոկտեմբերի 15-ից  Ստեփանակերտի քաղաքապետարանի քաղաքային տեսչությունը և ԼՂՀ քաղաքաշինության նախարարության քաղաքաշինական պետական տեսչությունը համատեղ ստուգումներ են իրականացրել քաղաքաշինական գործունեության բնագավառում իրավական ակտերի, քաղաքաշինական փաստաթղթերի, նորմատիվ-տեխնիկական փաստաթղթերի պահանջների կատարման ուղղությամբ:

Ի ԳԻՏՈՒԹՅՈՒՆ

Ստեփանակերտի քաղաքապետարանի քաղաքային տեսչության քաղաքաշինական և համաքաղաքային կանոնների պահպանման վերահսկողության բաժինը` ղեկավարվելով Ստեփանակերտի քաղաքային համայնքի ավագանու 22 մարտի 2010թ. թիվ 14Ն որոշմամբ, այսուհետ խիստ հսկողություն է իրականացնելու քաղաքացիների կողմից օգտագործվող գույքի և հարակից ընդհանուր օգտագործման տարածքների պարտադիր բարեկարգման կանոնների պահպանման նկատմամբ:

Ստեփանակերտի քաղաքապետ Սուրեն Գրիգորյանի կողմից հաստատված <<Ամանոր-2015>> միջոցառումների ծրագրի շրջանակներում նոյեմբերի 27-ին կայացավ տոնական միջոցառումների անցկացման հանձնաժողովի հերթական նիստը` քաղաքապետի տեղակալ, հանձնաժողովի նախագահ Ա.Հակոբյանի գլխավորությամբ:

Հանձնաժողովի նախագահը հակիրճ անդրադարձավ իրականացվելիք  աշխատանքներին և ներկաներին խնդրեց հանդես գալ առաջարկություններով:

Նոյեմբերի 20-23-ը Լիտվայի մայրաքաղաք Վիլնյուսում կայացած Եվրոպայի առաջնությունում, որին մասնակցում էին ավելի քան 30 երկրների ներկայացուցիչներ, <<Կա-Մեկ>> մրցաձևում հանդես եկած Ստեփանակերտի քաղաքապետարանին կից գործող մանկապատանեկան մարզադպրոցի սան Դավիթ Հայրապետյանը /մարզիչ` Գարեգին Աղաբալյան/, մինչև 68 կգ քաշային կարգում հաղթող է ճանաչվել և պարգևատրվելով ոսկե մեդալով` արժանացել Եվրոպայի չեմպիոնի բարձր կոչմանը:

Ստեփանակերտի քաղաքապետարանը ջերմորեն շնորհավորում է պատանի չեմպիոնին ու նրա մարզիչ Գարեգին Աղաբալյանին, մարզադպրոցի ողջ կոլեկտիվին և մաղթում հաջողություններ, մարզական նորանոր նվաճումներ: