<<Մեզնից յուրաքանչյուրը պարտավոր է հոգատար և

ուշադիր լինել հարազատ քաղաքի` մեր ընդհանուր տան նկատմամբ>>

   Ստեփանակերտի քաղաքապետարանի 2013թ. գործունեությանը և մայրաքաղաքի բնակչության առջև  ծառացած խնդիրներին էր առնչվում քաղաքապետ Սուրեն Գրիգորյանի հաշվետվությունը, որին գործադիր իշխանության մի խումբ պատասխանատուների ուղեկցությամբ նաև ներկա էր ԼՂՀ նախագահ Բակո Սահակյանը:

Ավարտվել է նոր տարվա առաջին ամիսը, ինչը մեկնարկային պիտի հանդիսանա Ստեփանակերտի քաղաքապետարանի բաժինների և ստորաբաժանումների, նրա ենթակայության տակ գտնվող հիմնարկ-ձեռնարկությունների առջև ծառացած խնդիրների իրականացման համար: Ինչպիսի±ձեռքբերումներ և բացթողումներ են արձանագրվել անցած ժամանակահատվածում, որքանով է հաջողվում ապահովել բնակչությունից` մատուցված ծառայությունների դիմաց նախատեսված գումարների հավաքագրումը: Ինչպե±ս է ընթանում գույքահարկի գծով վարձավճարների հավաքագրման գործընթացը: Արդյոք, բոլոր հարկատեսակների մասով ապահովվո±ւմ են գույքահարկերը: Որո±նք են աշխատանքների կազմակերպմանը խոչընդոտող խնդիրները:

Հատկացվող գումարները գլխավորապես ուղղվելու են մայրաքաղաքի բնակչության

կենսապայմանների բարելավմանը

Շուրջ մեկ տասնյակ հարցեր էին ներառված Ստեփանակերտի քաղաքային համայնքի ավագանու` հունվարի 23-ին կայացած նոր տարվա անդրանիկ նիստում, որը վարում էր քաղաքապետ Սուրեն Գրիգորյանը:

Օրակարգի առաջին հարցը վերաբերում էր համայնքի 2013թ. բյուջեի կատարմանը, որի շուրջ հաշվետվությամբ հանդես եկավ քաղաքապետարանի ֆինանսա-բյուջետային բաժնի պետ Մարատ Համբարձումյանը:

Ստեփանակերտի Շահումյանի անվան պուրակում հունվարի 13-ին կայացած տոնական համերգային ծրագրով եզրափակվեց  գրեթե մեկ ամիս առաջ մայրաքաղաքում մեկնարկած Ամանորի և Սուրբ  ծննդյան տոներին նվիրված միջոցառումների շարքը: Ասել է թե` հին տոմարով հնչեցվեց  Նոր տարվա միջոցառումների վերջին ակորդը:

Թանկանգին հայրենակիցներ

Քաղաքապետարանի և անձամբ իմ անունից ի սրտե շնորհավորում եմ Ձեր Ամանորը և Սուրբ Ծնունդը, մաղթում ամենայն բարիք, խաղաղություն ու երջանկություն:

Պատմության գիրկն անցավ 2013 թվականը, որը նշանավորվեց խաղաղ, ստեղծարար աշխատանքով ու մեր հիշողություններում կմնա որպես առաջընթաց զարգացման տարի: Հաղթահարելով ոչ քիչ դժվարություններ ու փորձություններ, մեզ հաջողվեց ևս մեկ առաջընթաց քայլ կատարել անկախության կերտման, ժողովրդավարական արժեքների ամրապնդման ու տնտեսության զարգացման ճանապարհին: Տարին հոբելյանական էր: Ազգովի տոնեցինք Արցախյան ազատագրման շարժման 25-րդ տարեդարձը և Ստեփանակերտի անվանակոչման 90-ամյակը:

Երեկ մայրաքաղաքի Վերածննդի հրապարակում վառելով հանրապետության գլխավոր տոնածառի լույսերը, տրվեց Ամանորի տոնական միջոցառումների մեկնարկը: Համաքաղաքային այդ միջոցառմանը իր մասնակցությունն էր բերել նաև Ստեփանակերտի քաղաքապետ Սուրեն Գրիգորյանը:

Շուրջ մեկ տասնյակ հարցեր էին ներառված Ստեփանակերտի քաղաքային համայնքի ավագանու` դեկտեմբերի 17-ին կայացած տարեվերջի նիստում, որը վարում էր քաղաքապետ Սուրեն Գրիգորյանը:

Օրակարգի առաջին հարցը, որի շուրջ պարզաբանումներով հանդես եկավ քաղաքապետը, վերաբերում էր 2014թ. տեղական տուրքերիև վճարների, համայնքի սեփականություն հանդիսացող գույքի վարձավճարների և համայնքի կողմից մատուցվող ծառայությունների դիմաց գանձվող վճարների դրույքաչափերի սահմանմանը: Տեղեկատվության կարգով Ս.Գրիգորյանն ավագանու անդամներին իրազեկեց, որ կապված աշխատավարձերի բարձրացման հետ առաջարկվող դրույքաչափերի մեջ կատարվող փոփոխությունները ենթադրվում են գալիք տարում:

Դեկտեմբերի 16-ին Ստեփանակերտի քաղաքապետ Սուրեն Գրիգորյանն ընդունել է ԼՂՀ <<Մայրություն>> հասարակական կազմակերպության մի խումբ ներկայացուցիչների` կառույցի ղեկավար Հասմիկ Միքայելյանի գլխավորությամբ: Կազմակերպություն, որն Արցախյան ազգային-ազատագրական շարժման հասակակիցն է ու այս տարի բոլորեց ծննդյան 25-ամյակը:

2013 թվականը մոտենում է եզրագծին, որին կրնկակոխ հետևում է Նոր տարին: Իսկ տարեմուտին, տոնական տրամադրության հետ, նաև նոր խնդիրներ, անելիքներ են ուրվագծվում, որոնց իրագործումը անխուսափելի է, և գործընթացներին արագ թափ պիտի հաղորդվի: Դեկտեմբերի 12-ին Ստեփանակերտի քաղաքապետարանի նիստերի դահլիճում հրավիրված աշխատանքային խորհրդակցությունում, որը վարում էր քաղաքապետ Սուրեն Գրիգորյանը, մայրաքաղաքի կենսաապահովմանն առնչվող հարցերի լայն շրջանակ էր ներառված:

Խորհրդակցությանը, քաղաքապետարանի պատասխանատուներից բացի, ներկա էին նաև քաղաքի հիմնարկ-ձեռնարկությունների ղեկավարներ, քաղաքապետարանի ենթակայության տակ գտնվող կառույցների ներկայացուցիչներ:

ՔԱՂԱՔԱՊԵՏԸ ՀՅՈՒՐԸՆԿԱԼԵԼ Է ԿՐԹՕՋԱԽԻ ՆԵՐԿԱՅԱՑՈՒՑԻՉՆԵՐԻՆ

Լրացավ հանրապետության կրթամշակութային լավագույն օջախներից մեկի` Ստեփանակերտի մանկապատանեկան ստեղծագործական կենտրոնի 20-ամյակը: Տարեդարձ, որն իր արժանի տեղն ունի երկրի մյուս հիշարժան իրադարձությունների շարքում: