Քաղաքապետ Սուրեն Գրիգորյանը որոշում է ստորագրել` հաստատելով Ստեփանակերտ քաղաքում ձմռան ամիսներին առատ ձյան պատճառով առաջացած արտակարգ իրավիճակների ժամանակ իրականացվելիք միջոցառումների ծրագիրը:

  Ծրագրում հստակ նշված են սպասարկվող ճանապարհները, մայթերն ու փողոցները, տեխնիկայի ամրագրումը` ըստ կազմակերպությունների: Նախատեսվում են հասարակական և հանրային նշանակության օբյեկտների, կրթական հաստատությունների հարակից տարածքների ձյան մաքրման աշխատանքների կազմակերպում, համալիր այլ միջոցառումներ:

Ստեփանակերտի քաղաքապետարանի մամուլի ծառայություն

ԾԱՌԱՏՈՒՆԿԻՆ ԶՈՒԳԸՆԹԱՑ` ՆԱԵՎ  ՍԱՆԻՏԱՐԱԿԱՆ ՄԱՔՐՈՒԹՅՈՒՆ

Համաձայն քաղաքապետ Սուրեն Գրիգորյանի կողմից ստորագրված` <<Ստեփանակերտ քաղաքում ծառատնկման, սանիտարական մաքրման և բարեկարգման միամսյակ անցկացնելու մասին>> որոշման, համայնքապետարանի ենթակայության տակ գտնվող կազմակերպությունների մասնակցությամբ` մայրաքաղաքում շարունակվում են ընթացիկ աշխատանքները:

ՕՐԱԿԱՐԳԻՆ ԱՆՑՆԵԼՈՒՑ ԱՌԱՋ` ՇՆՈՐՀԱՎՈՐԱԿԱՆ ԽՈՍՔԵՐ ՀՆՉԵՑՎԵՑԻՆ

   Քաղաքապետ Սուրեն Գրիգորյանի նախագահությամբ նոյեմբերի 5-ին կայացավ Ստեփանակերտի քաղաքային համայնքի նորընտիր ավագանու անդրանիկ նիստը, որին, քաղաքապետարանի պատասխանատուներից բացի, ներկա էր նաև տարածքային ընտրական հանձնաժողովի նախագահը:

Ղեկավարվելով ԼՂՀ կառավարության 2012 թվականի դեկտեմբերի 26-ի <<Լեռնային Ղարաբաղի Հանրապետությունում ջեռուցման օրերի առավելագույն քանակ սահմանելու և Լեռնային Ղարաբաղի Հանրապետության կառավարության 2010 թվականի նոյեմբերի 24-ի N 765-Ն որոշումն ուժը կորցրած ճանաչելու մասին>> N918-Ն որոշմամբ, ինչպես նաև հիմք ընդունելով ԼՂՀ էկոնոմիկայի նախարարության 2015 թվականի հոկտեմբերի 30-ի N2-1/311 գրությունը, Ստեփանակերտի քաղաքապետ Սուրեն Գրիգորյանը որոշում է ստորագրել 2015-2016 թվականների ջեռուցման սեզոնի սկիզբը` սույն թվականի նոյեմբերի 8-ը համարելու վերաբերյալ:

Ս.թ. նոյեմբերի 3-ին քաղաքապետ Սուրեն Գրիգորյանը ստորագրել է որոշում` Ստեփանակերտ քաղաքում ձմռան ամիսներին առատ ձյան պատճառով առաջացած արտակարգ իրավիճակների ժամանակ միջոցառումների իրականացման նպատակով հանձնաժողով ստեղծելու մասին:

Հանձնաժողովի աշխատանքները կգլխավորի քաղաքապետը: Հանձնաժողովի կազմում ընդգրկվել են ԼՂՀ քաղաքաշինության փոխնախարար Պավել Նաջարյանը /հանձնաժողովի փոխնախագահ/, Ստեփանակերտի քաղաքապետի տեղակալ Արմեն Հակոբյանը /հանձնաժողովի փոխնախագահ/, քաղաքապետարանի մի շարք պատասխանատուներ, կոմունալ ծառայությունների ղեկավարներ, պետական կառույցների ներկայացուցիչներ:

ՀՐԱՎԻՐՎԵԼ Է ՀԱՄԱՏԵՂ ԱՇԽԱՏԱՆՔԱՅԻՆ ԽՈՐՀՐԴԱԿՑՈՒԹՅՈՒՆ

Ձմռանն արտակարգ պատահարների դեպքում ակնկալվող դժվարությունները համատեղ ուժերով հաղթահարելու և մայրաքաղաքի բնականոն կյանքն ապահովելու խնդիրներն են քննարկվել Ստեփանակերտի քաղաքապետարանի և ԼՂՀ քաղաքաշինության նախարարության պատասխանատուների մասնակցությամբ` քաղաքաշինության նախարարությունում հրավիրված աշխատանքային ընդլայնված խորհրդակցությունում, որին հրավիրվել էին նաև շինարարական, կոմունալ ծառայությունների, կենսաապահովման կազմակերպությունների ղեկավարներ:

  Ինչպես հայտնի է, քաղաքապետ Ս.Գրիգորյանի որոշմամբ, նոյեմբերի 1-ից 30-ը մայրաքաղաք Ստեփանակերտում հայտարարված է ծառատնկման , սանիտարական մաքրման և բարեկարգման միամսյակ:

   Քաղաքապետ Սուրեն Գրիգորյանը որոշում է ստորագրել Ստեփանակերտ քաղաքում 2015թ. նոյեմբերի 1-ից 30-ը ծառատնկման, սանիտարական մաքրման և բարեկարգման աշխատանքների միամսյակ անցկացնելու մասին:

   Աշխատանքների նախապատրաստման և անցկացման նպատակով ստեղծվել է հանձնաժողով և հաստատվել նրա կազմը:

  Ստեփանակերտի քաղաքապետարանը հոկտեմբերի 27-ին աշխատանքային երկար ու պատվաբեր ուղի անցած ևս մեկ վաստակաշատ մարդու հանդիսավորությամբ հանգստի  ճանապարհեց:

  Հոկտեմբերի 26-ին Ստեփանակերտի քաղաքապետ Սուրեն Գրիգորյանն աշխատանքային  խորհրդակցություն էր հրավիրել քաղաքապետարանի պատասխանատուների և նրա ենթակայության տակ գտնվող կազմակերպությունների ղեկավարների մասնակցությամբ: