Հարգելի պարոն Քաղաքապետ,

   Թույլ տվեք Ստեփանակերտ քաղաքի բնակչության և անձամբ իմ անունից անկեղծ երախտագիտություն հայտնել   Դոնոստիայի քաղաքապետարանի կողմից ընդունված ինստիտուցիոնալ հայտարարության կապակցությամբ, որով աջակցություն  եք հայտնում մեր քաղաքին և հաստատում նրա բնակիչների խաղաղ և բնականոն կյանքով ապրելու  իրավունքը։

ՈՎՔԵՐ ԵՆ ՄԿՐՏՎԱԾ ԵՐԵԽԱՆԵՐԻ ԿՆՔԱՀԱՅՐԵՐԸ

Ապրիլի 22-ին Ստեփանակերտի քաղաքապետարանի կայքն անդրադարձել էր Երևանի Նորք-Մարաշ վարչական շրջանի նոր նախաձեռնությանը: Հայոց Մեծ Եղեռնի 101-րդ տարելիցի միջոցառումների շրջանակներում, վարչական շրջանի ղեկավարությունը նախատեսել էր Սբ Մարիամ Աստվածածին եկեղեցում մկրտել սոցիալապես անապահով, արցախյան պատերազմի մասնակից-վետերանների, սոցիալական այլ խմբերի պատկանող ընտանիքների` թվով 101 երեխաների: Վարչական շրջանի ղեկավար Վաղինակ Մկրտչյանի հրավերով Մկրտությանը մասնակից արվեցին նաև Ստեփանակերտի հանրակրթական դպրոցների 11 աշակերտներ:

Թանկագին ստեփանակերտցիներ

Ջերմորեն շնորհավորում եմ Ձեզ Մայիսյան եռատոնի` Մեծ հաղթանակի, Շուշիի ազատագրման ու պաշտպանության բանակի ստեղծման տարեդարձի կապակցությամբ:

Մայիսը մեր ժողովրդի պատմության մեջ հայտնի է որպես նվաճումների և հաղթանակների ամիս: 451-ի մայիսին էր, երբ զորավար Վարդան Մամիկոնյանի գլխավորած զորագունդը Ավարայրի դաշտում սկիզբը դրեց այն հերոսամարտի, որի շղթան դարերի միջով ձգվեց մինչև Սարդարապատ, հասավ Բեռլին և Շուշի` ոգեշնչելով հայրենասերների նորանոր սերունդների:

Քաղաքապետ Սուրեն Գրիգորյանի նախագահությամբ մայիսի 5-ին կայացավ Ստեփանակերտի քաղաքային համայնքի ավագանու նիստը:

Օրակարգային հարցերը քննության առնելուց առաջ, մասնակիցները քաղաքապետի առաջարկությամբ մեկ րոպե լռությամբ հարգեցին ապրիլյան քառօրյա պատերազմում նահատակված հայորդիների պայծառ հիշատակը:

Արդեն երկրորդ շաբաթն է, ինչ մայրաքաղաքի փողոցներում ակտիվ աշխատանքներ են իրականացվում անվտանգ երթևեկության տարբերանշանների հստակեցման և կանոնակարգման, նախկինում <<գործածվող>> նշանները` ժամանակի պահանջներին համապատասխանեցնելու ուղղությամբ:

Անվտանգ երթևեկությունն ապահովելու տեսանկյունից մասնագետների, ճանապարհային ոստիկանության կողմից առանձնապես կարևորվում է փողոցների հորիզոնական գծանշումների թարմացման նշանակությունը: Ու, հաշվի առնելով այդ հանգամանքը, հատուկ ուշադրություն է դարձվում գործընթացի արդյունավետ կազմակերպմանը:

Երևանի ու Ստեփանակերտի քաղաքապետարանների միջև 2015թ. ստորագրված` բարեկամության և համագործակցության համաձայնագրի շրջանակում շարունակում են ամրապնդվել ու ավելի սերտանալ երկկողմ հարաբերությունները, իրագործվում են նոր ծրագրեր և մտահղացումներ:

Հատկանշանական է, որ Երևանի քաղաքապետարանի նախաձեռնությամբ վերջին տարիներին  Ստեփանակերտի ենթակայության տակ գտնվող կառույցներին ցուցաբերվել է զգալի աջակցություն, որը էապես նպաստել է կոմունալ ծառայությունների աշխատանքի բարելավմանը, կենսական նշանակության խնդիրների լուծմանը:

Չնայած թշնամու կողմից Արցախի դեմ սանձազերծած քառամյա պատերազմական իրադարձություններից հետո շատ քիչ բան է փոխվել և, սահմանում շարունակում է իրավիճակը լարված մնալ, չկորցնելով զգոնությունը և աջակցելով պաշտպանության բանակին, մայրաքաղաքի կենսաապահովման կազմակերպությունները ջանք չեն խնայում իրենց պարտականություններն անթերի կատարելու, բնակչության բնականոն կյանքին նպաստելու համար:

Մայր Հայաստանից, արտերկրի տարբեր քաղաքներից շարունակվում է Արցախին տրամադրվող աջակցությունը` ինչպես ֆինանսական միջոցների, այնպես էլ` զինվորական հանդերձանքի, մթերքների, շինանյութերի և դեղորայքի տեսքով:

Հերթական բարեգործության հասցեատերերը Ռուսաստանի Դաշնության Սամարայի մարզի Սիզրան քաղաքի հայկական համայնքի ներկայացուցիչներն են, որոնք 50 հազար ԱՄՆ դոլար են հանգանակել հակառակորդի կողմից սանձազերծած քառօրյա պատերազմում նահատակված հայորդիների ընտանիքներին, որպես օգնություն,  տրամադրելու համար:

   Ստեփանակերտի քաղաքապետարանում ավանդույթ է դարձել վաստակաշատ աշխատակիցներին հանդիսավորությամբ կենսաթոշակի ճանապարհելը:

Նրանք կմասնակցեն Մեծ Եղեռնի  տարելիցի  միջոցառումներին

Շարունակվում է Երևանի Նորք-Մարաշ վարչական շրջանի և Արցախի մայրաքաղաք Ստեփանակերտի միջև համագործակցությունը`ամենատարբեր ոլորտներում: Հայոց Մեծ Եղեռնի 101-րդ  տարելիցի միջոցառումների  շրջանակներում, Երևանի Նորք-Մարաշ վարչական շրջանի Սբ.Մարիամ Աստվածածին եկեղեցում նախատեսվում է մկրտել թվով 101 սոցիալապես անապահով, արցախյան պատերազմի մասնակից-վետերանների և այլ սոցիալական խմբերի պատկանող ընտանիքների երեխաների: