ԼՈՒԾԱՐՎՈՒՄ Է Ն.ՍՏԵՓԱՆՅԱՆԻ ԱՆՎԱՆ ԶԲՈՍԱՅԳԻՆ

Քաղաքապետ Սուրեն Գրիգորյանի նախագահությամբ նոյեմբերի 10-ին կայացած քաղաքային համայնքի ավագանու նիստում, ի թիվս մի շարք նախագծերի, օրակարգում ներառվել էր նաև <<Նելսոն Ստեփանյանի անվան քաղաքային զբոսայգի>> փակ բաժնետիրական ընկերությունը լուծարելու մասին որոշման նախագիծը, որին ավագանին տվեց իր համաձայնությունը:

ՍԵՐՈՒՆԴՆԵՐԻՆ ԿՏԱԿԵԼՈՎ ՄՆԱՅՈՒՆ ԳՈՐԾԵՐ

Պետական գործիչ, գրող մանկավարժ Սարգիս Աբրահամյանի հարթաքանդակի բացմանն էր նվիրված մայրաքաղաքի Վազգեն Սարգսյան` 25 հասցեում կայացած հանդիսությունը, որին ներկա էին Ստեփանակերտի քաղաքապետ  Սուրեն Գրիգորյանը, պետական այրեր, մտավորականության ներկայացուցիչներ` գրողներ, արվեստագետներ, մանկավարժներ, Ս.Աբրահամյանի հարազատները, հյուրեր:

Ղեկավարվելով <<Տեղական ինքնակառավարման մասին>> Լեռնային Ղարաբաղի Հանրապետության օրենքի 32-րդ հոդվածով, քաղաքապետ Սուրեն Գրիգորյանը որոշում է ստորագրել  2017-2018թթ. ջեռուցման սկիզբը սահմանելու մասին:

Ըստ քաղաքապետի որոշման, 2017-2018 թվականների ջեռուցման սեզոնի սկիզբ է համարվում սույն թվականի նոյեմբերի 6-ը:

Ուսանողների միջազգային օրվան էր նվիրված Ստեփանակերտի քաղաքապետարանի մշակույթի, երիտասարդության  հարցերի և զբոսաշրջության բաժնի նախաձեռնությամբ` Արցախի բուհերի շուրջ 100 ուսանողների համար կազմակերպված յուրահատուկ ուխտագնացությունը Ամարասի վանական համալիր:

 Ուսանողները ծանոթացան Արցախի վաղ միջնադարյան հոգևոր և մշակութային կենտրոնի պատմությանը, մոմեր վառեցին և  աղոթեցին ՊԲ սահմանը հսկող զինվորների անփորձանք ու խաղաղ ծառայության համար:

Այնուհետև միջոցառման մասնակիցներն այցելել են Մարտունու շրջանի Սխտորաշեն գյուղի տարածքում  գտնվող դարավոր  սոսենուն, որի հարկի տակ անցկացվել է մշակութային հագեցած ծրագիր:

ԱԿՑԻԱՅԻՆ ՆԵՐԳՐԱՎՎԵԼ ԵՆ ԱՎԵԼԻ ՔԱՆ 200 ԱՇԽԱՏՈՂՆԵՐ

Սանիտարական մաքրության խնդիրը շարունակում է առաջնահերթ մնալ քաղաքապետարանի ու նրա ենթակայության տակ գտնվող կառույցների, մասնավորապես` <<Սանմաքրում>> ընկերության աշխատակիցների համար:

ԶԻՆԾԱՌԱՅՈՂ ՈՐԴԻՆԵՐԻՆ ՏԵՍԱԿՑԵԼՈՒ ԵՆ ԺԱՄԱՆԵԼ 1600 ԾՆՈՂՆԵՐ

Երևանի քաղաքապետ Տարոն Մարգարյանի նախաձեռնությամբ երևանաբնակ զինծառայողների ծնողների այցը`պաշտպանության բանակի սահմանամերձ զորամասեր, բարի ավանդույթ է դարձել: Նրանք ծանոթանում են զինվորների առօրյային, ակտիվ շփումներ ունենում հրամանատարության և սպայական անձնակազմի հետ, ստանում իրենց հուզող հարցերի պատասխանները: Հատկանշական է, որ 5-րդ տարին անընդմեջ կազմակերպվող ծրագրի շրջանակում արդեն ավելի քան 900 ծնող հնարավորություն է ունեցել այցելելու զինծառայող իրենց որդիներին:

<<Ստեփանակերտ քաղաքի ՔՊ ղեկավար կազմի և բնակչության գործողությունները ՔՊ համակարգի պատրաստականության բերման և հակառակորդի հարձակման ժամանակ ու հարձակման հետևանքների վերցման ընթացքում>>. սա էր մայրաքաղաքում անցկացված քաղաքացիական պաշտպանության հրամանատարաշտաբային ուսումնավարժության թեման, որ կազմակերպել էր ԱՀ Արտակարգ իրավիճակների  պետական ծառայության քաղաքային բաժինը:

Ամփոփվել են հոկտեմբերի 10-20-ը <<Վալեքս Գարդեն>>  ՓԲԸ խաղահրապարակում` Ստեփանակերտ քաղաքի կոլեկտիվների միջև  կայացած մինի-ֆուտբոլի մրցումների արդյունքները, որին մասնակցում էին 8 թիմեր:

Ամանորի տոնակատարությունները պատշաճ մակարդակով կազմակերպելու նպատակով, քաղաքապետ Սուրեն Գրիգորյանը որոշում է ստորագրել  Ստեփանակերտ քաղաքում 2018թ. Ամանորի տոնական միջոցառումների անցկացման վերաբերյալ:

Քաղաքապետի որոշմամբ ստեղծվել է հանձնաժողով և հաստատվել անհատական կազմը: Այն կգլխավորի Ստեփանակերտի քաղաքապետի տեղակալ Արմեն Հակոբյանը: Հանձնաժողովի կազմում ընդգրկվել են ինչպես քաղաքապետարանի պատասխանատուներ, այնպես էլ նրա ենթակայության տակ գտնվող ընկերությունների և կազմակերպությունների  ղեկավարներ:

Երևանի քաղաքապետ Տարոն Մարգարյանը հյուրընկալել է «Էրեբունի-Երևան 2799» տոնակատարությանը մասնակցելու նպատակով Երևան այցելած Արցախի Հանրապետության մայրաքաղաք Ստեփանակերտի քաղաքապետ Սուրեն Գրիգորյանին: Ողջունելով Ստեփանակերտի քաղաքապետին՝ Տարոն Մարգարյանը շնորհակալություն է հայտնել Երևանի տոնը միասին նշելու հրավերն ընդունելու համար: