Թանկագին ստեփանակերտցիներ

            Ուրախ եմ Ձեզ ողջունելու Մայիսյան եռատոնի` Գերմանական ֆաշիզմի դեմ տարած  Մեծ հաղթանակի 70-րդ և Շուշիի ազատագրման ու պաշտպանության բանակի ստեղծման 23-րդ տարեդարձի կապակցությամբ:

            Մայիսը հայ ժողովրդի պատմության մեջ հայտնի է որպես նվաճումների և հաղթանակների ամիս: 451-ի մայիսին էր, երբ զորավար Վարդան Մամիկոնյանի գլխավորած զորագունդը Ավարայրի դաշտում սկիզբը դրեց այն հերոսամարտի, որի շղթան դարերի միջով ձգվեց մինչև Սարդարապատ, հասավ Բեռլին և Շուշի` ոգեշնչելով հայրենասերների նորանոր սերունդների:

Մայիսի 3-ին ԼՂՀ խորհրդարանական ընտրությունների  օրը` Ստեփանակերտի քաղաքապետ Սուրեն Գրիգորյանը  քաղաքացիական իր պարտքը կատարել է մայրաքաղաքի հ.8 հիմնական դպրոցում տեսակայված 3/7 ընտրական տեղամասում:

Բացվեց Հրաչյա Բեգլարյանի հարթաքանդակը

Ամիսներ առաջ էր, երբ Ստեփանակերտի քաղաքային համայնքի ավագանին որոշում կայացրեց անվանի գրող-հրապարակախոս, Արցախյան շարժման ակտիվ մասնակից Հրաչյա Բեգլարյանի հիշատակը հավերժացնելու նպատակով` ապրած տան /Բաղրամյան 1 շենքի/  պատին նրա հարթաքանդակը տեղադրելու մասին:

Ապրիլի 29-ը մայրաքաղաք Ստեփանակերտում նշանավորվեց հիշարժան իրադարձությամբ: <<Գրիգոր Նարեկացի>> համալսարանի մուտքի մոտ վերջերս տեղադրված Սզնեքի ճերմակ, մարմարե հարթաքանդակի /հեղինակ` Արցախի հանրապետության վաստակավոր քանդակագործ Ալբերտ Հարությունյան/ վերաբացման առիթով կայացավ հանդիսավոր միջոցառում:

Արարողությանը ներկա էին ԼՂՀ Նախագահի աշխատակազմի ղեկավար Մարատ Մուսայելյանը, Ստեփանակերտի քաղաքապետ Սուրեն Գրիգորյանը, գրողները մտավորականության ներկայացուցիչներ, ուսանողներ:

Մայրաքաղաքը կանաչապատվում, հրապուրիչ տեսք է ստանում

Ծառատնկման, կանաչապատման և սանիտարական մաքրության միամսյակի շրջանակում` կազմակերպված ու  բարձր մակարդակով անցավ  Ստեփանակերտի քաղաքապետարանի կողմից ապրիլի 25-ին հայտարարված համաքաղաքային շաբաթօրյակը:

Ծառատնկման, կանաչապատման և սանիտարական մաքրության միամսյակի շրջանակում մայրաքաղաք Ստեփանակերտում շարունակվում են ընդլայնվել կանաչ տարածքները:

Երևանից ժամանած պատվիրակությունը հյուրընկալվել է Ստեփանակերտի քաղաքապետարանում

Մայրաքաղաքներ Երևանի ու Ստեփանակերտի միջև սկզբնավորված բարեկամությունն ու համագործակցությունը, որոնց հիմքերը դրել են քաղաքապետներ Տարոն Մարգարյանն ու Սուրեն Գրիգորյանը, տարեցտարի սերտանում, ավելի են ընդլայնում իրենց շրջանակները: Ասվածի մասին վկայում են ամենատարբեր ձևաչափերով պատվիրակությունների փոխայցելությունները, որոնց արդյունքում ծնունդ են առնում նոր ծրագրեր ու մտահղացումներ, միմյանց նկատմամբ ավելի է աճում վստահությունը, ձևավորվում են գործընկերային ներդաշնակ հարաբերություններ:

Չնայած եղանակային անբարենպաստ պայմաններին, մասնավորապես` հաճախակի տեղացող անձրևներին, մայրաքաղաքում շարունակվում են փողոցների և մայթերի <<փոսային նորոգման>> աշխատանքները:

Պատվիրատուի դերում` ԼՂՀ քաղաքաշինության նախարարությունն է, իսկ որպես կապալառուներ, հիշյալ աշխատանքների իրագործումը հանձն են առել <<Ճանշին-վերանորոգում>> և <<Քարավան>> սահմանափակ պատասխանատվությամբ ընկերությունները: Ըստ ժամանակացույցի, նախատեսվում է մինչև Մայիսյան եռատոնն ավարտին հասցնել նորոգումները:

   Արցախի բնակավայրերում, այդ թվում` մայրաքաղաք Ստեփանակերտում ավանդույթ է դարձել Սուրբ  Հարության տոնի նշանավորումը:

  Ապրիլի 5- ին Ստեփան Շահումյանի անվան պուրակում քաղաքապետարանի մշակույթի, երիտասարդության հարցերի և զբոսաշրջության բաժնի կողմից նախաձեռնած Հիսուս Քրիստոսի Հարության Հրաշափառ տոնի, կամ ինչպես  ընդունված է ասել` Սուրբ Զատիկի տոնակատարության նշումն ասվածի  վկայություններից է: