Ստեփանակերտի քաղաքային համայնքի բյուջեի և պետական բյուջեի միջոցների հաշվին մայրաքաղաքում շարունակվում են արտաքին լուսավորման համակարգի բարելավման, լուսավոր տարածքների ընդարձակման ուղղությամբ տարվող աշխատանքները:  Ընդ որում, առանձնակի  ուշադրություն է սևեռվում ծայրամասային փողոցների լուսավորմանը:

Համաձայն Ստեփանակերտի քաղաքապետի` 2016թ. սեպտեմբերի 23-ի N1536Ա որոշման, ներքաղաքային կանոնավոր փոխադրումներն իրականացվող կազմակերպությունների ընտրության մրցույթի արդյունքում, Հ12 միկրոավտոբուսային երթուղու սպասարկման հաղթող է ճանաչվել <<Մհեր>> ՍՊԸ-ն` երկու տարի ժամկետով:

ՀՀ 13 և 14 ավտոբուսային երթուղիների մասով` բնակչության  ուղևորափոխադրումների ժամկետը երկարաձգվել է  մինչև 2017թ. մարտի 10-ը

Ստեփանակերտի քաղաքապետարանի

աշխատակազմի զարգացման ծրագրերի բաժին

   Հոկտեմբերի 5-ին Ուսուցչի մասնագիտական տոնը նշվել է նաև մայրաքաղաք Ստեփանակերտում:

 Մշակույթի և երիտասարդության պալատում հիշարժան տոնին նվիրված հանդիսավոր միջոցառմանը, որ կազմակերպվել էր ԼՂՀ կրթության, գիտության և սպորտի, մշակույթի և երիտասարդության նախարարությունների համագործակցությամբ, ԱԺ նախագահ Աշոտ Ղուլյանի, պետական մյուս այրերի հետ ներկա է գտնվել նաև Ստեփանակերտի քաղաքապետ Սուրեն Գրիգորյանը:

Օրակարգում` ձմռան և Ամանորի  տոնական միջոցառումների նախապատրաստման հարցերն էին

Գլխավորապես ձմռան նախապատրաստման, ինչպես նաև Ամանորի ու Սուրբ ծննդյան տոների կապակցությամբ ծրագրվող աշխատանքների ընթացքն է քննության առնվել սեպտեմբերի 27-ին` քաղաքապետարանի պատասխանատուների և նրա ենթակայության տակ գտնվող կազմակերպությունների, հիմնարկ-ձեռնարկությունների և ընկերությունների ղեկավարների մասնակցությամբ` ավագանու նիստերի դահլիճում հրավիրված աշխատանքային ընդլայնված խորհրդակցությունում, որը վարում էր քաղաքապետ Սուրեն Գրիգորյանը:

Արժեքների և ավանդույթների պահպանումը` հուսալի ձեռքերում

Սեպտեմբերի 24-ին Արցախի մայրաքաղաքում տոն էր, համաժողովրդական տոնախմբություն: Ստեփանակերտցիները հերթական անգամ նշեցին սիրելի քաղաքի օրը: Առավոտից քաղաքի զինանշանով ու դրոշներով, գույնզգույն փուչիկներով զարդարված ավտոմեքենաները ուրախ երաժշտության ուղեկցությամբ հայտնվելով փողոցներում` քաղաքապետարանի անունից ծաղիկներ և հուշանվերներ էին բաժանում անցորդներին` Ստեփանակերտի օրվա կապակցությամբ, շռայլորեն շնորհավորանքներ հղում:

Քաղաքի օրվան նվիրված տոնական միջոցառումներին մասնակցելու նպատակով, այսօր Ստեփանակերտ է ժամանել Երևանի քաղաքապետ Տարոն Մարգարյանի գլխավորած պատվիրակությունը:

Բերդաքաղաք Շուշիի մատույցներում Տ.Մարգարյանի գլխավորած պատվիրակության անդամներին դիմավորել է Ստեփանակերտի քաղաքապետ Սուրեն Գրիգորյանը: Այնուհետև Ս.Գրիգորյանը քաղաքապետարանում հյուրընկալել է երևանցի գործընկերոջն ու պատվիրակության անդամներին, որտեղ անկեղծ ու անկաշկանդ զրույց է տեղի ունեցել:

Սիրելի ստեփանակերտցիներ

Քաղաքապետարանի և անձամբ իմ անունից ի սրտե շնորհավորում եմ  Ստեփանակերտի օրվա կապակցությամբ:                                                             

Մեզնից յուրաքանչյուրն անկեղծորեն  հպարտանում է մեր քաղաքի անցյալով ու ներկայով, նրա հոգևոր, պատմամշակութային արժեքներով: Այդ առումով տոներն առիթ են հետադարձ հայացք ձգելու մեր անցած ճանապարհին և վերաարժևորելու այն:                                          

Պարգևների արժանացան լավագույնները

Քաղաքի օրվան էր նվիրված քաղաքապետարանի նիստերի դահլիճում կայացած հանդիսավոր արարողությունը, որը առիթ էր ևս մեկ անգամ արժևորելու տոնը և գնահատելու մարդկանց բոլորանվեր աշխատանքը:

Ողջունելով ներկաներին և շնորհավորելով  նրանց հիշարժան իրադարձության կապակցությամբ, քաղաքապետ Սուրեն Գրիգորյանը նշեց, թե նման տոներն առիթ են հետադարձ հայացք ձգելու անցած ճանապարհին և վերարժևորելու այն:

            Սեպտեմբերի 23-ին քաղաքապետ Սուրեն Գրիգորյանն ընդունել է քաղաքի օրվա կապակցությամբ տոնական միջոցառումներին մասնակցելու նպատակով Ստեփանակերտ ժամանած Երևանի Նորք-Մարաշ վարչական շրջանի պատվիրակությանը` Վաղինակ Մկրտչյանի գլխավորությամբ:

            Քաղաքապետը ողջունել է հյուրերին, ի սրտե շնորհավորել նրանց Հայաստանի Հանրապետության անկախության 25-րդ տարեդարձի կապակցությամբ, հավելելով. <<Բարով եք եկել` տոնական միջոցառումներին մասնակցելու և մեր ուրախությունը կիսելու>>:

Քաղաքապետը հյուրընկալել է առաջնություն գրաված աշակերտներին ու նրանց ուսուցիչներին

Ինչպես հայտնի է քաղաքի օրվան նվիրված տոնական միջոցառումների շրջանակում, մայրաքաղաքի հանրակրթական դպրոցների` 9-12-րդ դասարանների սովորողների շրջանում անկացվել է ստեղծագործական շարադրությունների մրցույթ` <<Իմ Ստեփանակերտ>> խորագրով: