Քաղաքապետ Սուրեն Գրիգորյանի նախագահությամբ հունիսի 14-ին կայացած Ստեփանակերտի քաղաքային համայնքի հերթական նիստի օրակարգում շուրջ մեկ տասնյակ նախագծեր էին ընդգրկված: Եվ քանի որ ավագանու անդամների կողմից սովորաբար նաև կենսական նշանակության ամենատարբեր  բնույթի հարցեր են շոշափվում, լսումներ և քննարկումներ ծավալվում դրանց շուրջ, քաղաքապետի առաջարկությամբ, լիարժեք լուծումներ գտնելու նպատակով, նիստին հրավիրվել էին նաև քաղաքապետարանի պատասխանատուներն ու համայնքի ենթակայության տակ գտնվող ընկերությունների ղեկավարները:

Ամռան շրջանում մայրաքաղաքի կենսաապահովման խնդիրները  մշտապես տեսադաշտում պահելու և արդյունավետ լուծումներ  գտնելու, բնակչության պահանջներին ժամանակին արձագանքելու, առօրյա կյանքը բնականոն հունով <<ուղղորդելու>> հարցերն էին հիմնականում քննարկման առիթ հանդիսացել  հունիսի 12-ին  քաղաքապետ Սուրեն Գրիգորյանի կողմից հրավիրված աշխատանքային  խորհրդակցությունում, որին  քաղաքապետարանի պատասխանատուներից բացի, հրավիրված էին նաև մի շարք ընկերությունների ղեկավարներ:

Ստեփանակերտի քաղաքապետարանի նախաձեռնությամբ անց է կացվել << Լավագույն մարզական ընտանիք>> մրցույթը, որի նպատակն է նպաստել անհատի բազմակողմանի ու ներդաշնակ զարգացմանը, առողջ ապրելակերպի ձևավորման խնդրում` ֆիզիկական կուլտուրայի և սպորտի դերի բարձրացմանը, բնակչության ակտիվ հանգստի կազմակերպմանը:

ՏՈՆԱԿԱՆ ՀԱԴԻՍՈՒԹՅՈՒՆ` ՎԵՐԱԾՆՆԴԻ ՀՐԱՊԱՐԱԿՈՒՄ

Որպես ավանդական տոն, Արցախում երեխաների իրավունքների պաշտպանության միջազգային օրը նշվում է բազմապիսի հագեցած միջոցառումներով, ուրախ տրամադրությամբ: Ու, քանի որ այն զուգադիպում է ամռան առաջին օրվա հետ, բնականաբար, ավելի բանուկ են դառնում զբոսայգիներ և պուրակներ, հրապարակներ, տեսարժան այլ վայրեր տանող ճամփաները: Արևի, շրջապատի, ջերմությունից կրկնապատկվում է երեխաների ուրախությունը, նրանց նկատմամբ ավելի ընդգծվում հարազատների և մտերիմների սերն ու գուրգուրանքը:

ՄԱՅՐԱՔԱՂԱՔԻ ԿԵՆՏՐՈՆՈՒՄ ՀԱՆԲՈԼԻ ՄԱՐԶԱԴԱՇՏ Է ԿԱՌՈՒՑՎԵԼ

Օրեր առաջ <<Հայաստան>> համահայկական հիմնադրամի պատվիրակությունը` կառույցի գործադիր ղեկավար Արա Վարդանյանի գլխավորությամբ շրջեց Արցախում, համայն հայության հանգանակած միջոցներով` տարբեր բնակավայրերում իրականացված բարեգործական ծրագրերի ականատեսը եղավ և մասնակցեց մեկ տասնյակի հասնող նորակառույց համայնքային կենտրոնների, հանդիսությունների, բազմազավակ ընտանիքների համար շահագործված բնակարանների նորամուտի հանդիսություններին, ծանոթացավ  հիմնադրամի խողովակներով և կառավարության համաֆինանսավորմամբ ընթացքի մեջ գտնվող մեծածավալ աշխատանքներին:

Սիրելի շրջանավարտներ

Ջերմորեն շնորհավորում եմ դպրոցական կյանքի հիշարժան իրադարձության` Վերջին զանգի կապակցությամբ: Զանգ, որ հնչում է որպես նոր և հասուն կյանքի սկիզբն ազդարարող ղողանջ:

Ավարտվեց մայրաքաղաքի հանրակրթական դպրոցների 8-12-րդ դասարանների աղջիկների միջև անցկացված մարզական միջոցառումների շրջանակում`հանդբոլի առաջնությունը: Այն ընթացել է Ստեփանակերտի հ.6 դպրոցի մարզադահլիճում` մայիսի 14-19-ը:

Լարված պայքարում հաղթող է ճանաչվել քաղաքի հ.2 դպրոցի աղջիկների թիմը`15:12 հաշվով առավելության հասնելով 8-րդ դպրոցի հավաքականի նկատմամբ:

Առաջնությունում երկրորդ մրցանակային տեղը գրավել է հ.8 դպրոցի թիմը: Երրորդ տեղը բաժին է հասել 6-րդ դպրոցի հավաքականին:

ՍՏԵՓԱՆԱԿԵՐՏԻ ՓՈԽՔԱՂԱՔԱՊԵՏԻ ԱՅՑԸ` ԵՐԵՎԱՆԻ ՎԱՐՉԱԿԱՆ ՇՐՋԱՆՆԵՐ

Մայրաքաղաքներ Երևանի ու Ստեփանակերտի  միջև հաստատված բարեկամության և համագործակցութան շրջանակներում շարունակվում են երկու քաղաքապետարանների ներկայացուցիչների փոխայցելությունները, որոնք միտված են առաջիկա ծրագրերի  հստակեցմանն ու փոխգործակցության ընդլայնմանը: Այդ համատեքստում կարելի է դիտարկել  Ստեփանակերտի առաջին փոխքաղաքապետ  Սուրեն Թամրազյանի այցը` Երևանի Նորք-Մարաշ և Էրեբունի վարչական շրջաններ, որ ավանդական բնույթ է կրում:

Քաղաքապետ Սուրեն Գրիգորյանը որոշում է ստորագրել հրդեհային անվտանգության միջոցառումների անցկացման և Ստեփանակերտի քաղաքապետի 2017թ. ապրիլի 18-ի թիվ 651Ա որոշումն ուժը կորցրած ճանաչելու մասին:

Հրդեհավտանգ ժամանակաշրջանի մոտեցման և պատահական հրդեհներից խուսափելու, ինչպես նաև դրանց կանխման և հնարավոր հետևանքների նվազեցման նպատակով ստեղծվել է հրդեհային անվտանգության միջոցառումների անցկացման հանձնաժողով և հաստատվել նրա կազմը: Այն կգլխավորի փոխքաղաքապետ Արմեն Հակոբյանը:

ԼԱՎԱԳՈՒՅՆ ՄԱՐԶԻԿՆԵՐԸ ԽՐԱԽՈՒՍՎԵԼ ԵՆ ՔԱՂԱՔԱՊԵՏԱՐԱՆԻ ԿՈՂՄԻՑ

Հաղթանակի տոնի, Արցախի պաշտպանության բանակի և Շուշիի ազատագրման 26-րդ տարեդարձի տոնակատարությունների շրջանակում, բավական հագեցած է եղել նաև մարզական միջոցառումների ծրագիրը: Հիշարժան իրադարձությունների կապակցությամբ մայրաքաղաքում թիմերի միջև կազմակերպվել են տարբեր մարզաձևերի գծով մրցույթներ, բաց առաջնություններ: