Ձմռան ամիսներին անխափան ջեռուցում է խոստանում Ստեփանակերտի քաղաքապետարանի ենթակայության տակ գտնվող <<Ջերմային տնտեսություն>> փակ բաժնետիրական ընկերության տնօրեն Արմեն Շաբանյանը, ով համակարգի աշխատողների հետ ձգտել է բազմակողմանորեն նախապատրաստվել ջեռուցման սեզոնին և ապահովել բնակչության արդյունավետ սպասարկում:

Կառույցի ղեկավարի խոսքով, ընկերությունն այս տարի շահագործում է թվով 16 կաթսայատուն և ծառայություններ է մատուցում շուրջ երկու տասնյակ հիմնարկ-ձեռնարկությունների, 11 կրթօջախների և նախադպրոցական հիմնարկների:

Բյուջեի անվերապահ կատարմանն առնչվող ու հարակից մի շարք այլ հարցեր էին քննարկման դրված նոյեմբերի 18-ին Ստեփանակերտի քաղաքապետարանի պատասխանատուների և համայնքապետարանի ենթակայության տակ գտնվող հիմնարկ-ձեռնարկությունների ղեկավարների մասնակցությամբ նիստերի դահլիճում հրավիրված աշխատանքային խորհրդակցությունում, որը վարում էր քաղաքապետ Սուրեն Գրիգորյանը:

ԲՆԱԿԻՉՆԵՐԸ ՇՈՒՐՋՕՐՅԱ ՋՈՒՐ ԿՈՒՆԵՆԱՆ ԵՎՍ ԵՐԿՈՒ ԳՈՏԻՆԵՐՈՒՄ

Ստեփանակերտ քաղաքի ջրամատակարարման խնդիրը, որը ոչ միայն կենսական, այլև ռազմավարական նշանակություն ունի, շարունակում է առաջնահերթությունների շարքում մնալ ինչպես երկրի, այնպես էլ` քաղաքային իշխանությունների կողմից:

 ՏԱՐՈՆ ՄԱՐԳԱՐՅԱՆԻ ՆԱԽԱՁԵՌՆՈՒԹՅԱՄԲ ՍՏԵՓԱՆԱԿԵՐՏՈՒՄ ԿՀԻՄՆԱԴՐՎԻ ԱԶԱՏԱՄԱՐՏԻԿՆԵՐԻ ԱՅԳԻ

Հայկական երկու հանրապետությունների մայրաքաղաքների միջև համագործակցության և բարեկամության համաձայնագրի ստորագրումից մեկ տարի է անցել: Ու նոյեմբերի 11-ին Երևանի քաղաքապետ Տարոն Մարգարյանի գլխավորած պատվիրակության աշխատանքային այցը Ստեփանակերտ ևս մեկ առիթ էր ունկնդրելու միմյանց, հանրագումարելու ունեցած ժամանակաշրջանում ձեռք բերված արդյունքները, քննարկելու առաջիկա ծրագրերը, հնչեցնելու նոր առաջարկություններ ու տեսակետներ, հստակեցնելու փոխհամագործակցության ուղիները:

<<Սանմաքրում>> ՀՈԱԿ-ը բազմակողմանիորեն և ամենայն պատասխանատվությամբ է պատրաստվել 2013-2014թթ. ձմռան շրջանին ու հնարավոր ամեն ինչ կարվի հերթական փորձությունից պատվով դուրս գալու համար: Կառույցի ղեկավար Ալյոշա Սեյրանյանի հավաստմամբ, ձեռնարկվում են բոլոր  միջոցները, որպեսզի ցրտաշունչ ձմռան ընթացքում մայրաքաղաքում խափանումներ չլինեն և լիարժեք ու անկաշկանդ ապահովվի երթևեկությունը:

Հագեցած էր Ստեփանակերտի քաղաքային համայնքի ավագանու հոկտեմբերի 31-ին կայացած նիստի օրակարգը, որը վարում էր քաղաքապետ Սուրեն Գրիգորյանը:

Նիստում, ուր ավագանու քննարկման էր ներկայացված ԼՂՀ <<Տեղական ինքնակառավարման մասին>> օրենքով կանոնակարգվող հարցերի լայն շրջանակ, լսվեց Ստեփանակերտի քաղաքային համայնքի 2013թ. բյուջեի 9-ամսվա կատարման մասին հաղորդումը, որով հանդես եկավ քաղաքապետարանի ֆինանսաբյուջետային բաժնի պետ Մարատ Համբարձումյանը:

Ստեփանակերտի քաղաքապետ Սուրեն Գրիգորյանը որոշում է ստորագրել Ստեփանակերտ քաղաքում 2014թ. Ամանորի տոնական միջոցառումների անցկացման մասին:

Մայրաքաղաքում 2014թ. Ամանորի տոնական միջոցառումները պատշաճ մակարդակով անցկացնելու նպատակով, քաղաքապետի որոշման համաձայն, փոխքաղաքապետ Արմեն Հակոբյանի գլխավորությամբ ստեղծվել է ախատանքները համակարգող հանձնաժողով, որի կազմում ընդգրկվել են ինչպես քաղաքապետարանի պատասխանատուներ, այնպես էլ` քաղաքային համայնքի ավագանու անդամներ, Ստեփանակերտի մի շարք կազմակերպությունների, կառույցների ներկայացուցիչներ:

    Անկախ ու ազատ Արցախի մայրաքաղաքն այսօր իր անվանակոչման 90-ամյակն է նշում: Եվ խորհրդանշական է, որ այն համընկնում է համայն հայության հպարտությունը հանդիսացող մայրաքաղաք Երևանի 2795-ամյակի տոնակատարության հետ:

Համաձայն <<Տեղական ինքնակառավարման մասին>> և <<Քաղաքաշինության մասին>> Լեռնային Ղարաբաղի Հանրապետության օրենքների, ինչպես նաև օգտագործելով Ստեփանակերտի քաղաքապետարանի քաղաքային տեսչության լիազորությունները` քաղաքաշինության բնագավառում, քաղաքապետարանի քաղաքային տեսչությունը քաղաքաշինության նախարարության քաղաքաշինական պետական տեսչության հետ համատեղ, քաղաքապետի հանձնարարագրի հիման վրա ստուգումներ է իրականացնում մայրաքաղաքում` ելնելով քաղաքաշինական գործունեության բնագավառում իրավական ակտերի, քաղաքաշինական ու նորմատիվ-տեխնիկական փաստաթղթերի պահանջների կատարման անհրաժեշտությունից: