ԱՆԿԱԽ ՊԵՏԱԿԱՆՈՒԹՅՈՒՆԸ  ԳԵՐԱԳՈՒՅՆ ԱՐԺԵՔ

ՏՈՆԸ ԵԶՐԱՓԱԿՎԵԼ Է ՈՒՐԱԽ ՇՈԻՐՋՊԱՐՈՎ

            <<Փետրվարի 13-ին ստեփանակերտցիները շուքով նշեցին մեր ժողովրդի ավանդական ազգային տոներից մեկը` Տրնդեզը>>:

Վ.Փափազյանի անվան պետական թատրոնի ընդարձակ բակում հավաքված տոնի մասնակիցներին երգ ու երաժշտության հնչունների ներքո ողջունեց քաղաքապետարանի մշակույթի տան գեղարվեստական կոլեկտիվը: Տոնակատարության գլխավոր բաղադրիչներից մեկը, բնականաբար, <<անշեջ>> խարույկն էր, որի վրայով ցատկել են հարյուրվոր երիտասարդներ և զրնվորականներ` ստանալով հոգևոր հովիվ Տեր Մինաս քահանայի օրհնությունը:

ՄԱՅՐԱՔԱՂԱՔԸ ՆԱԽԱՊԱՏՐԱՍՏՎՈՒՄ Է ՀԻՇԱՐԺԱՆ ՏՈՆԻՆ

Տոնական զարդարանքի մեջ է մայրաքաղաքի Ստեփանակերտը: Օր-օր Արցախյան շարժման 30-ամյա հոբելյանը խորհրդանշող նոր ցուցապաստառներ, դրոշներ, նկարներ և լոզունքներ են հայտնվում փողոցներում, տարբեր թաղամասերում, հրապարակներում, հասարակական վյարերում` ազդարարելով ծրագրվող միջոցառումների մեկնարկը:

Ստեփանակերտցիները, բոլոր արցախցիները` մեծ ու փոքրով, պատրաստվում են արժանապատվորեն նշել հիշարժան տոնը` առանձնակի շուք հաղորդելով մայրաքաղաքին:

Ստեփանակերտի քաղաքապետարանի մամուլի ծառայություն

ՈՉ ՈՔ ԱՆՄԱՍՆ ՉՊԻՏԻ ՄՆԱ ՀՈԲԵԼՅԱՆԱԿԱՆ ՄԻՋՈՑԱՌՈՒՄՆԵՐԻՑ

Գլխավորապես 2018-ի հոբելյանական իրադարձություններին նվիրված տոնական միջոցառումների նախապատրաստմանն ու պատշաճ կազմակերպմանն էր միտված քաղաքապետարանի պատասխանատուների և շահագրգիռ կառույցների (կազմակերպությունների) ղեկավարների մասնակցությամբ` փետրվարի 9-ին ավագանու նիստերի դահլիճում հրավիրված աշխատանքային խորհրդակցությունը, որը վարում էր Ստեփանակերտի քաղաքապետ Սուրեն Գրիգորյանը:

ՀԱՄԵՐԳԱՅԻՆ ՀԱԳԵՑԱԾ ԾՐԱԳԻՐ` ՇԱՀՈՒՄՅԱՆԻ ԱՆՎԱՆ ՊՈՒՐԱԿՈՒՄ

Հայ Առաքելական եկեղեցին ամեն տարի ավանդաբար նշում է Սուրբ Սարգիս զորավարի, նրա որդի Մարտիրոսի և 14 զինվորների հիշատակի օրը:

Ահա արդեն 5-րդ տարին է, ինչ մշակույթի, երիտասարդության հարցերի և զբոսաշրջության նախարարության հետ համատեղ հիշարժան տոնը` քաղաքապետարանի մշակույթի, երիտասարդության հարցերի և զբոսաշրջության բաժինը հագեցած ծրագրով նշում է մայրաքաղաքի Շահումյանի անվան պուրակում` ուսանողների, երիտասարդական հասարակական կազմակերպությունների, ՊԲ ռազմամարզական վարժարանի սաների, զինծառայողների ակտիվ մասնակցությամբ:

2018թ. Երևանի և Ստեփանակերտի միջև համագործակցության ծրագրի իրագործմանն առնչվող հարցեր են քննարկվել երկու մայրաքաղաքների համագործակցության աշխատանքային խմբի ղեկավար, Երևանի քաղաքապետարանի աշխատակազմի արտաքին կապերի վարչության պետ Դավիթ Գևորգյանի և Ստեփանակերտի քաղաքապետի տեղակալներ Սուրեն Թամրազյանի և Արմեն Հակոբյանի հետ կայացած հանդիպմանը, որին մասնակցել է նաև Ստեփանակերտի քաղաքապետարանի աշխատակազմի ճարտարապետության և քաղաքաշինության բաժնի պետ Սեյրան Սաֆարյանը:

Մայրաքաղաքում մեկնարկել են սիզամարգերի մշակման և բարեկարգման աշխատանքները: Գործընթացին գլխավորապես ներգրավվել են <<Ստեփանակերտի ակադեմիկոս Թախթաջյանի անվան բուսաբանական այգի>> ընկերության բանվորներն ու մասնագետները:

Տնօրեն Համլետ Դավթյանի խոսքով, ընթացիկ տարում քաղաքի կանաչ տարածքների ընդլայնման նպատակով, լայնածավալ ծրագրեր են նախատեսվում իրականացնել:

Ստեփանակերտի քաղաքապետարանի մամուլի ծառայություն

ԵԿԱՄՈՒՏՆԵՐԻ ԱՊԱՀՈՎՈՒՄԸ ՊԱՐՏԱԴԻՐ ՊԱՅՄԱՆ ՊԻՏԻ ՀԱՆԴԻՍԱՆԱ

            Քաղաքապետ Սուրեն Գրիգորյանի նախագահությամբ կայացած Ստեփանակերտի քաղաքային համայնքի` նոր տարվա անդրանիկ նիստի օրակարգում ի թիվս մի շարք հարցերի ներառված էին քաղաքային համայնքի 2018թ. բյուջեի մասին և 2017թ. բյուջեի կատարման տարեկան հաշվետվությունը հաստատելու մասին նախագծերը:

            Ըստ քաղաքապետարանի ֆինանսա-բյուջետային բաժնի պետ Մարատ Համբարձումյանի, քաղաքային համայնքի 2018թ. բյուջեն եկամուտների գծով կկազմի 1779844,0 հազար դրամ, ծախսերի գծով` 1809907,4 հազար դրամ: Դեֆիցիտը նախատեսվում է 30063,4 հազ.դրամի չափով:

ԵՐԿԱՐԱՄՅԱ ԱՆԲԱՍԻՐ ԱՇԽԱՏԱՆՔԻ ԵՎ ՀՈԲԵԼՅԱՆԻ ԱՌԻԹՈՎ

   Ստեփանակերտի քաղաքապետարանն առանձնակի հարգանքով է վերաբերվում այն անձանց, ովքեր իրենց անբասիր աշխատանքով ու ակտիվ կենսադիրքով, մարդկային ազնիվ նկարագրով  նպաստում են մայրաքաղաքի բնականոն ընթացքին, նրա խնդիրների լուծմանը, լավագույն ավանդույթների և արժեքների պահպանմանն ու զարգացմանը` մնայուն հետք թողնելով սերունդների հիշողության մեջ: Այդ շարքում կարելի է դիտարկել կենցաղասպասարկման  համակարգի հնագույն աշխատող Հրանտ Սեդրակի Կարապետյանի անցած կյանքի հարուստ ուղին, ում  ծննդյան 80-ամյա հոբելյանը լրացավ վերջերս:

Հանրակրթական առարկաների նկատմամբ հատուկ կարողություններ ունեցող և առանձնակի հետաքրքրություններ ցուցաբերած աշակերտների համար ամեն տարի մայրաքաղաքում ավանդաբար անցկացվում են առարկայական օլիմպիադաներ: