Սիրելի կանայք, մայրեր և քույրեր

    Ուրախ եմ Ձեզ ողջունելու ավանդական տոնի` կանանց միջազգային օրվա կապակցությամբ: Տոն, որ զուգադիպում է գարնան զարթոնքի հետ, նվիրական զգացումներ արթնացնում մեր հոգում` յուրաքանչյուրիս համար այն դարձնելով առավել հոգեհարազատ ու խորհրդանշական: Պատահական չէ, որ մարտի 8-ը, որպես հիշարժան օր, ամրագրված է մեր տոնացույցում և խոր հարգանքով ենքվերաբերվում այդ երևույթին:

Ավարտվեց 2013-2014 ուս.տարվա դպրոցականների առարկայական օլիմպիադայի Ստեփանակերտի քաղաքային փուլը, որը նպատակ էր հետապնդում վեր հանել հանրակրթական առարկաների նկատմամբ հատուկ կարողություններ ունեցող տաղանդավոր և շնորհալի սովորողներին, ինչպես նաև աշակերտների շրջանում հետաքրքրություն առաջացնել գիտության հիմունքների ուսումնասիրման նկատմամբ:

Մարտի 4-ին Ստեփանակերտի քաղաքապետ Սուրեն Գրիգորյանի կողմից հրավիրված աշխատանքային խորհրդակցությունում, որին փոխքաղաքապետներից, բաժինների պետերից բացի ներկա էին և քաղաքապետարանի ենթակայության տակ գտնվող կազմակերպությունների ու կառույցների ղեկավարները, հիմնական շեշտադրումն ուղղված էր ԼՂՀ նախագահի հանձնարարականների կատարման ընթացքի մանրամասներին, կապիտալ-շինարարության մասով 2014թ.իրականացվելիք ծրագրերի ու աշխատանքների ծավալների հստակեցմանը:

Քաղաքապետի առաջին տեղակալ Սուրեն Թամրազյանի նախագահությամբ  կայացավ Ստեփանակերտի քաղաքային համայնքի ավագանու հերթական նիստը:

Ղեկավարվելով ԼՂՀ կառավարության 2008թ.մայիսի 20-ի N381 որոշմամբ, ինչպես նաև հիմք ընդունելով <<Ստեփանակերտի համայնքային ծառայություն>> փակ բաժնետիրական ընկերության առաջարկությունը, քաղաքապետ Սուրեն Գրիգորյանը որոշում է ստորագրել անշարժ գույքի վերահասցեավորման մասին:

Համաձայն քաղաքապետի որոշման, վերահասցեավորվել և կանոնակարգվել է մայրաքաղաքի Տիգրան Մեծ փողոցում, Տիգրան Մեծ նրբանցքում, Տիգրան Մեծ 1-ին, 2-րդ փակուղիներում գտնվող անշարժ գույքը, որի մեջ մտնում են պետական և մասնավոր շենքերն ու շինությունները, սեփական տներն ու բազմաբնակարան շենքերը, հասարակական  օբյեկտներն ու մյուս կառույցները:

Համաձայն մայրաքաղաք Ստեփանակերտի ճանապարհահատվածների բարեկարգման ծրագրի, շարունակվում են ծայրամասային փողոցների (թաղամասերի) ճանապարհների խճապատման, ինչպես նաև արտաքին լուսավորման համակարգի բարելավման աշխատանքները:

Գործընթացը, որը գլխավորապես իրականացվում է քաղաքի Աջափնյակ թաղամասում` ԼՂՀ քաղաքաշինության նախարարության <<Արցախուղի>> ՓԲԸ ճանապարհաշինարարների աջակցությամբ, շարունակական բնույթ կկրի:

Արտաքին լուսավորման բարելավման նպատակով պատշաճ որակով են կատարվում նոր էլեկտրասյունների և լուսատուների տեղադրման աշխատանքները, որոնք ավարտին կհասցվեն առաջիկա տասնօրյակում:

<<Մեզնից յուրաքանչյուրը պարտավոր է հոգատար և

ուշադիր լինել հարազատ քաղաքի` մեր ընդհանուր տան նկատմամբ>>

   Ստեփանակերտի քաղաքապետարանի 2013թ. գործունեությանը և մայրաքաղաքի բնակչության առջև  ծառացած խնդիրներին էր առնչվում քաղաքապետ Սուրեն Գրիգորյանի հաշվետվությունը, որին գործադիր իշխանության մի խումբ պատասխանատուների ուղեկցությամբ նաև ներկա էր ԼՂՀ նախագահ Բակո Սահակյանը:

Ավարտվել է նոր տարվա առաջին ամիսը, ինչը մեկնարկային պիտի հանդիսանա Ստեփանակերտի քաղաքապետարանի բաժինների և ստորաբաժանումների, նրա ենթակայության տակ գտնվող հիմնարկ-ձեռնարկությունների առջև ծառացած խնդիրների իրականացման համար: Ինչպիսի±ձեռքբերումներ և բացթողումներ են արձանագրվել անցած ժամանակահատվածում, որքանով է հաջողվում ապահովել բնակչությունից` մատուցված ծառայությունների դիմաց նախատեսված գումարների հավաքագրումը: Ինչպե±ս է ընթանում գույքահարկի գծով վարձավճարների հավաքագրման գործընթացը: Արդյոք, բոլոր հարկատեսակների մասով ապահովվո±ւմ են գույքահարկերը: Որո±նք են աշխատանքների կազմակերպմանը խոչընդոտող խնդիրները:

Հատկացվող գումարները գլխավորապես ուղղվելու են մայրաքաղաքի բնակչության

կենսապայմանների բարելավմանը

Շուրջ մեկ տասնյակ հարցեր էին ներառված Ստեփանակերտի քաղաքային համայնքի ավագանու` հունվարի 23-ին կայացած նոր տարվա անդրանիկ նիստում, որը վարում էր քաղաքապետ Սուրեն Գրիգորյանը:

Օրակարգի առաջին հարցը վերաբերում էր համայնքի 2013թ. բյուջեի կատարմանը, որի շուրջ հաշվետվությամբ հանդես եկավ քաղաքապետարանի ֆինանսա-բյուջետային բաժնի պետ Մարատ Համբարձումյանը: