Արցախյան շարժման 30-ամյակի տոնակատարության շրջանակներում Ստեփանակերտի Մուրացանի անվան քաղաքային գրադարանում կայացել է Շարժման ակտիվ մասնակից Համլետ Գրիգորյանի <<Անթեղված կրակ>> գրքի շնորհանդեսը:

Անդրադառնալով գրքի արժանիքներին, գրադարանի տնօրեն Մարիա Խաչատրյանը բարձր է գնահատել Հ.Գրիգորյանի ներդրումը` ինչպես համաժողովրդական պայքարի կազմակերպման, մարդկանց համախմբման, այնպես էլ` Արցախյան գոյամարտի տարեգրության ճշմարիտ արտացոլման, Շարժման պատմությունը երիտասարդ սերնդին փոխանցելու գործում:

Արցախյան շարժման 30-րդ տարեդարձին էր նվիրված Ստեփանակերտի Շառլ Ազնաուրի անվան մշակույթի կենտրոնի դահլիճում կայացած տոնական համերգը, որ կազմակերպվել էր արվեստի դպրոցի սաների մասնակցությամբ:

Համերգը, որ ուղեկցվել է հանդիսատեսների ջերմ ծափերով, դպրոցի շնորհաշատ երեխաներին ևս մեկ անգամ առիթ ընձեռնեց բացահայտելու երաժշտական իրենց ընդունեակություններն ու կարողությունները: Իսկ ծրագրում հիմնականում ընդգրկված էին հայրենասիրական ստեղծագործություններ` հայկական  ժողովրդական, ազգագրական երգեր ու պարեր:

ՋԱՐԴԵՐ, ՈՐ ԱՅԴՊԵՍ ԷԼ ԻՐԱՎԱԿԱՆ ԳՆԱՀԱՏԱԿԱՆ ՉՍՏԱՑԱՆ

ՓԱՌԱԲԱՆՎՈՒՄ ԵՆ ՀԱՅՐԵՆԻՔՆ ՈՒ ՀԱՅ ԶԻՆՎՈՐԸ

Մայրաքաղաքի հանրակրթական դպրոցներում շարունակվում են Արցախյան ազգային-ազատագրական շարժման 30-ամյակին նվիրված հոբելյանական միջոցառումները:

Հիշարժան տարեդարձի կապակցությամբ հերթական միջոցառում անցկացվեց Ստեփանակերտի Խ.Աբովյանի անվան հ.1 հիմնական դպրոցի դահլիճում, ուր հյուրընկալվել էին  ԱԺ պատգամավորներ, ԿԳՍ պատասխանատու աշխատողներ, մտավորականության ներկայացուցիչներ, արցախյան ազատամարտում նահատակված  աշակերտների ծնողներ և հարազատներ:

Արցախյան շարժման 30-ամյակի  տոնակատարության շրջանակներում մայրաքաղաքում  շարունակվում են տարաբնույթ մարզական միջոցառումները:

Հերթականն անցկացվեց փետրվարի 21-23-ը` Ստեփանակերտի քաղաքապետարանի նախաձեռնությամբ, հ.1 հիմնական դպրոցի մարզադահլիճում: Այն կայացավ  քաղաքի հանրակրթական դպրոցների` 4-7-րդ դասարանների միջև: <<Սպորտլանդիա>> մարզական խաղերի կազմում ընդգրկված էին 5-ական տղա և նույնքան աղջիկ:

ՄԱՅՐԵՆԻԻ ԳՈՎՔԸ` ԵՐԵԽԱՆԵՐԻ ՎԱՐԴ-ՇՈՒՐԹԵՐԻՑ...

Փետրվարի 21-ին մայրենիի միջազգային օրվան նվիրված հետաքրքիր ու հագեցած միջոցառումներ են կազմակերպվել Ստեփանակերտի հանրակրթական  դպրոցներում  և ուսումնական տարբեր հաստատություններում: Եվ, ամենուր, անկախ նախաձեռնության  ձևաչափից, շրջանառության հիմքում` հայոց լեզվի անաղարտ պահպանման և գործածման, համազգային այդ մեծագույն, բացառիկ արժեքի գոյատևման  և զարգացման  խնդիրն  էր:

            Ինչպես տեղեկացրեց Ստեփանակերտի մանկապատանեկան մարզադպրոցի տնօրեն Էմիլս Օգանեսյանը, ՀՀ 13-14 տարեկան պատանիների բասկետբոլի` 2017-2018թթ. Երևանում անցկացված առաջնության եզրափակիչ` 5-րդ փուլում հաղթող է ճանաչվել մանկապատանեկան բասկետբոլի թիմը /մարզիչներ` Գարիկ Սարգսյան և Գևորգ Շահնազարյան/:

Թիմն արժանացել է ՀՀ պատվավոր գավաթին, իսկ թիմի անդամներն ու մարզիչները ՀՀ բասկետբոլի ֆեդերացիայի կողմից պարգևատրվել են համապատասխան հավաստագրերով և մեդալներով: Ասել է թե` Ստեփանակերտի թիմը Երևանից տուն է վերադարձել հաղթանակով:

Ստեփանակերտի քաղաքապետարանի մամուլի ծառայություն

Արցախյան շարժման 30-րդ տարեդարձին էր նվիրված փետրվարի 17-18-ը` Ստեփանակերտի մանկապատանեկան մարզադպրոցի կողմից մայրաքաղաքում անցկացված բռնցքամարտի բաց առաջնությունը, որին մասնակցում էին 37-76 կգ քաշով 13-14 տարեկան պատանիներ:

            Առաջնությանը, իրենց մասնակցությունն էին բերել ներկայացուցիչներ` ինչպես Ստեփանակերտ քաղաքից, այնպես էլ` Ճարտար, Կարմիր Շուկա, Հադրութ և այլ բնակավայրերից /թվով 30 մարզիկներ/:

   Փետրվարի 14-16-ը Ստեփանակերտի քաղաքապետարանի նախաձեռնությամբ N 1 դպրոցի մարզադահլիճում քաղաքի դպրոցների` 1-3-րդ դասարանների միջև կայացել է <<Սպորտլանդիա>> մարզական միջոցառում: Թիմերի կազմում ընդգրկված էին 5 տղա և 5 աղջիկ:

Արցախահայության ազգային-ազատագրական պայքարի` Ղարաբաղյան շարժման 30-րդ տարեդարձի տոնակատարության միջոցառումների  շրջանակում, փետրվարի 19-ին պետական այրերը, քաղաքական, հասարակական կազմակերպությունների ներկայացուցիչները`  հանրապետական և քաղաքային հանձնաժողովների անդամների ուղեկցությամբ հարգանքի տուրք են մատուցել կյանքից անժամանակ հեռացած Շարժման ակտիվ մասնակիցների հիշատակին:

Նրանք խմբերով այցելել են գոյապայքարի  ժամանակ զոհված և կյանքից հեռացած ակտիվ գործիչների շիրիմներին, ծաղիկներ խոնարհել, հարգել պայծառ հիշատակը, ևս մեկ անգամ արժևորել Շարժման տարիներին նրանց կատարած սխրանքը և ազգանպաստ գործունեությունը: