ԱՐՑԱԽՅԱՆ ԱԶԳԱՅԻՆ-ԱԶԱՏԱԳՐԱԿԱՆ ՇԱՐԺՄԱՆ 30-ԱՄՅԱԿԻՆ ՆՎԻՐՎԱԾ ՄԻՋՈՑԱՌՈՒՄՆԵՐԸ ՀԱՆՐԱՊԵՏՈՒԹՅՈՒՆՈՒՄ ՇԱՐՈՒՆԱԿՎՈՒՄ ԵՆ

Ապրիլի 11-ին Ստեփանակերտի Մ.Մաշտոցի անվան հ.4 դպրոցում հնչեցվեցին համերգային շարքի վերջին ակորդները: <<Որպես մի բռունցք>> խորագրով միջոցառումը մեծ բավականություն պատճառեց ներկաներին: Իսկ հանդիսատեսները` գլխավորապես քաղաքի դպրոցների տնօրեններն ու կազմակերպիչներն էին` կրթության և սպորտի բաժնի պետ Կառլեն Մարգարյանի գլխավորությամբ:

ԱՆՑԿԱՑՎԵԼ Է ՄԻՆԻ ՖՈՒՏԲՈԼԻ ՄՐՑԱՇԱՐ

Արցախյան շարժման 30-րդ տարեդարձի տոնակատարության շրջանակում ապրիլի 10-ին ավարտվեց Ստեփանակերտի քաղաքապետարանի նախաձեռնությամբ /հ.1 հիմնական դպրոցի խաղահրապարակում/, քաղաքի դպրոցների 5-6-րդ դասարանների թիմերի միջև կազմակերպված մինի ֆուտբոլի մրցաշարը, որին մասնակցում էին կրթօջախների բոլոր թիմերը:

Մրցումներում, որ անցկացվել է օլիմպիական եղանակով, առաջին տեղը զբաղեցրել է հ.2 հիմնական դպրոցի հավաքական թիմը: Երկրորդ հորիզոնականում հայտնվել է հ. 1 հիմնական դպոցի հավաքական թիմը: Երրորդ տեղը բաժին է հասել 7-րդ դպրոցի հավաքական թիմին:

Ապրիլի 4-6-ը Ստեփանակերտի քաղաքապետարանի նախաձեռնությամբ, Ս.Շահումյանի անվան հանրապետական մարզադաշտում կայացան սպարտակիադայի ծրագրով նախատեսված հնգամարտի մրցումներ:

Մրցությանը մասնակցում էին մայրաքաղաքի 12 դպրոցների ու Գեներալ Իվանյանի անվան ռազմամարզական վարժարանի հավաքական թիմերը /ընդհանուր կազմով` 130 հոգի/: Թիմերի կազմում ընդգրկված էին 5 տղա և 5 աղջիկ: Մարզական պայքարն ընթանում էր 5 մրցաձևերում /կրոսավազք` 500, 1000 մետր ցատկ` տեղից, գնդակի նետում, վազք` 60, 100 մետր, ձգումներ` պտտաձողից, հենում:

Ծառատնկման, սանիտարական մաքրման և բարեկարգման աշխատանքների ծրագրերի շրջանակներում մայրաքաղաքում անցկացվելիք շաբաթօրյակի միջոցառումներն են ճշգրտվել ու հստակեցվել ապրիլի 10-ին քաղաքապետ Սուրեն Գրիգորյանի կողմից հրավիրած խորհրդակցությունում, որին քաղաքապետարանի պատասխանատուներից բացի ներկա էին նաև մի շարք ընկերությունների տնօրեններ:

Մայրաքաղաք Ստեփանակերտում մեծ ոգևորությամբ ու խանդավառությամբ է նշվել եկեղեցական ավանդական տոնը` Սուրբ Զատիկը, որը մեկնարկել է Սուրբ Հակոբ եկեղեցուց` լուսաճրագի <<փոխանցմամբ>>:

ՀԵՐԹԱԿԱՆ ԵԼՈՒՅԹԸ` ՊԲ Ն ԶՈՐԱՄԱՍՈՒՄ

Քաղաքապետարանի մշակույթի տան երգի-պարի համույթը շարունակում է Արցախյան շարժման 30-րդ տարեդարձին նվիրված համերգների շարքը` մայրաքաղաքում:

Հերթական ելույթը կոլեկտիվն ունեցավ պաշտպանության բանակի Ն զորամասում, ուր զինվորականների կողմից ընդունվեց ջերմությամբ, խրոխտ ծափերով ու բացականչություններով: Ու, քանի որ համերգային ծրագրում ընդգրկված էին նաև Հայրենիքին, հայոց բանակին ու զինվորին նվիրված ստեղծագործություններ, ուրախ քայլերգեր, ժողովրդական, ինչպես նաև ժամանակակից կոմպոզիտորների գործեր, զինծառայողները ոգևորված միանում էին ելույթ ունեցողներին և շուրջպար բռնում:

Ստեփանակերտի մանկապատանեկան մարզական դպրոցի պատանիները, մարզիչ Արմեն Ղահրամանյանի գլխավորությամբ, հաջողությամբ են հանդես եկել Հայաստանի Հանրապետությունում անցկացված քիք-բոքսինգի առաջնությունում` արժանանալով մեդալների:

Մարզիկներ Վադիմ Սարգսյանը, Իգոր Հարությունյանը և Արմեն Հակոբյանը մրցույթում գրավել են առաջին պատվավոր տեղը և իրավունք նվաճել Հայաստանի հավաքականի կազմում մասնակցելու մայիս-հունիսին Ռուսաստանի Դաշնության Անապա քաղաքում կայանալիք աշխարհի գավաթի խաղարկությանը:

Ստեփանակերտի քաղաքապետարանի մամուլի ծառայություն

ՊԱՐԳԵՎԱՏՐՎԵՑԻՆ ԼԱՎԱԳՈՒՅՆ ՀԵՂԻՆԱԿՆԵՐԸ

Ամփոփվել են Արցախյան շարժման 30-ամյակին նվիրված դպրոցականների շարադրությունների և նկարչական գործերի մրցույթի արդյունքները և հայտնի դարձել լավագույն հեղինակները:

Ստեփանակերտի քաղաքապետարանի կողմից հայտարարված մրցույթում առաջին և եկրորդ տեղեր գրաված աշակերտները, որոնք ներկայացնում են քաղաքի հանրակրթական տարբեր դպրոցներ, արժանացել են հուշանվերների և պատվոգրերի: Պարգևատրման հանդիսավոր արարողությունը կայացել է մայրաքաղաքի Ե.Չարենցի անվան 7-րդ դպրոցում:

Չնայած, ծրագրի համաձայն, մայրաքաղաքում ծառատնկման սանիտարական մաքրման և բարեկարգման աշխատանքները պիտի մեկնարկեն ապրիլի 1-ից, սակայն բարենպաստ եղանակները հնարավորություն են ընձեռնել ավելի վաղ ձեռնամուխ լինել կանաչ տարածքների մշամանն ու ընդլայնմանը:

ՀԱՄԱԳՈՐԾԱԿՑՈՒԹՅՈՒՆՆ ԸՆԴԼԱՅՆՎՈՒՄ, ԽՈՐԱՆՈՒՄ Է

Աշխատանքային այցով Արցում է գտնվում Երևանի Էրեբունի վարչական շրջանի պատվիրակությունը, որի կազմում են կրթության, մշակույթի և սպորտի բաժնի պետ Սիմա Բաղդասարյանը, սոցիալական ապահովության և առողջապահության բաժնի պետ Ստելլա Ավագյանը ուլրատվական ծառայության պատասխանատու Արթուր Օսիպյանը: