Հիմք ընդունելով Լեռնային Ղարաբաղի Հանրապետության կառավարության 2012թ. հունիսի 21-ի <<Լեռնային Ղարաբաղի Հանրապետության հռչակման օրվա տոնակատարության մասին>> թիվ 434-Ա որոշման 3-րդ կետը, Ստեփանակերտի քաղաքապետ Սուրեն Գրիգորյանը որոշում է ստորագրել Լեռնային Ղարաբաղի Հանրապետության հռչակման 21-րդ տարեդարձի տոնակատարության անցկացման  վերաբերյալ: 

Քաղաքապետի որոշմամբ ստեղծվել է տոնակատարության միջոցառումների կազմակերպման քաղաքային հանձնաժողով` քաղաքապետի տեղակալ Արմեն Հակոբյանի գլխավորությամբ:

Ինչպես հայտնի է, այս օրերին ԼՂՀ քաղաքացիական ծառայության խորհրդի հրավերով, պետական կառույցների աշխատակազմերում ներգրավված քաղծառայողների համար նախապատրաստական դասընթացներ կազմակերպելու նպատակով, հանրապետությունում է գտնվում ՀՀ պետական կառավարման ակադեմիայից ժամանած պրոֆեսորադասախոսական խումբը, որին գլխավորում է  պրոռեկտոր Խաչատուր Բեզիրջյանը:

Հուլիսի 5-ին նիստերի դահլիճում  Ստեփանակերտի քաղաքապետարանը հյուրընկալել էր ակադեմիայի պրոռեկտոր Խաչատուր Բեզիրջյանին և ակադեմիայի դոցենտ, պրոֆեսոր Վիլիկ Եդիգարյանին, որոնց ուղեկցում էր ԼՂՀ քաղաքացիական ծառայության խորհրդի անդամ Ջիվան Հարությունյանը:

Հունիսի 28-ին տեղի ունեցավ Ստեփանակերտի քաղաքային համայնքի ավագանու հերթական նիստը, որը վարում էր քաղաքապետ Սուրեն Գրիգորյանը:

Թվով 13 հողամաս է վաճառվել քաղաքացիներին` հունիսի 19-ին Ստեփանակերտի քաղաքապետարանում համապատասխան հանձնաժողովի կողմից կազմակերպված բաց աճուրդի ժամանակ, որի ընդհանուր մակերեսը կազմում 10166.66 քառ.մետր:

Հատկացված հողամասերը գլխավորապես վաճառքի են հանվել անհատական բնակելի տների կառուցման նպատակով և նրանցից ընդամենը երկուսն են օգտագործվելու հասարակական նշանակության օբյեկտի շինարարության համար: Հատկանշական է, որ աճուրդում քաղաքացիներին հիմնականում հողատարածքներ են տրամադրվել մայրաքաղաքի Աջափնյակ տարածքից:

Աճուրդով վաճառքի հանված հողամասերի դիմաց ընդհանուր գումարը կազմել է 3մլն 39 հազար դրամ:

Ղեկավարվելով Տեղական ինքնակառավարման մասին, Պետական ոչ առևտրային կազմակերպությունների մասին, Բաժնետիրական ընկերությունների մասին Լեռնային Ղարաբաղի Հանրապետության օրենքներով, ինչպես նաև Լեռնային Ղարաբաղի Հանրապետության կառավարության 2004 թվականի դեկտեմբերի 21-ի N 526 որոշմամբ սահմանված դրույթներով, քաղաքապետ Սուրեն Գրիգորյանը որոշում է ստորագրել քաղաքապետարանի ենթակայությանը հանձնված առևտրային և ոչ առևտրային կազմակերպությունների ֆինանսատնտեսական և ընթացիկ գործունեությունը վերահսկելու նպատակով հանձնաժողով ստեղծելու մասին:

Մեծ հաղթանակի 67-րդ, ԼՂՀ պաշտպանության բանակի և Շուշիի ազատագրման 20-րդ տարեդարձին էին նվիրված Ստեփանակերտի քաղաքապետարանի կողմից կազմակերպված սպորտային միջոցառումները, որոնց մեկնարկը տրվեց Ստեփան Շահումյանի անունը կրող զբոսայգում:

Փոխանցումավազքը սկիզբ առավ Հուշահամալիրից, որին մասնակցեցին քաղաքի 10 դպրոցների ներկայացուցիչները: Առաջին մրցանակային տեղը գրավեց 3-րդ, երկրորդ տեղը` 7-րդ, իսկ երրորդ տեղը` 9-րդ դպրոցի թիմը:

ՔԱՂԱՔԱՊԵՏՆ ԸՆԴՈՒՆԵԼ Է ՄԵԾ ՀԱՅՐԵՆԱԿԱՆԻ ԵՎ ԱՐՑԱԽՅԱՆ ՊԱՏԵՐԱԶՄԻ ՎԵՏԵՐԱՆՆԵՐԻՆ

      Ավագ սերնդի անցած ճանապարհը միշտ էլ ուղեցույց է հանդիսացել երիտասարդների համար, ոգեշնչել ու մղել նորանոր արարումների: Այդ առումով հետաքրքիր խորհուրդ է իր մեջ պարունակում Հայրենական մեծ պատերազմի մասնակից արցախցիների հերոսական սխրանքը, որն 1945-ի մայիսի 9-ին ամրագրվեց խորհրդային երկրի տարած հաղթանակով:

Մայիսյան եռատոնի խորհուրդը յուրովի է ընկալում հետպատերազմյան սերունդը, որն ավագներից է լսել արցախյան շարժման, Ադրբեջանի կողմից սանձազերծած դաժան պատերազմի մասին, պատկերացում կազմել տեսաժապավեններից և գրքերից: