Պահոց
Տարադրամի Փոխարժեքներ
USD   480.81  դրամ
EUR   596.64  դրամ
RUB   8.52  դրամ
Եղանակը Ստեփանակերտում
09.07.2012   ՀՅՈՒՐԸՆԿԱԼՎԵԼ ԵՆ ՔԱՂԱՔԱՊԵՏԱՐԱՆՈՒՄ

Ինչպես հայտնի է, այս օրերին ԼՂՀ քաղաքացիական ծառայության խորհրդի հրավերով, պետական կառույցների աշխատակազմերում ներգրավված քաղծառայողների համար նախապատրաստական դասընթացներ կազմակերպելու նպատակով, հանրապետությունում է գտնվում ՀՀ պետական կառավարման ակադեմիայից ժամանած պրոֆեսորադասախոսական խումբը, որին գլխավորում է  պրոռեկտոր Խաչատուր Բեզիրջյանը:

Հուլիսի 5-ին նիստերի դահլիճում  Ստեփանակերտի քաղաքապետարանը հյուրընկալել էր ակադեմիայի պրոռեկտոր Խաչատուր Բեզիրջյանին և ակադեմիայի դոցենտ, պրոֆեսոր Վիլիկ Եդիգարյանին, որոնց ուղեկցում էր ԼՂՀ քաղաքացիական ծառայության խորհրդի անդամ Ջիվան Հարությունյանը:

Հյուրերին ողջունել և պետական-կառավարչական հիմնարկների համար բարձրորակ կադրեր պատրաստելու գործում նրանց առաքելությունը բարձր է գնահատել քաղաքապետ Սուրեն Գրիգորյանը:

Քաղաքապետարանի քաղծառայողների հետ հանդիպմանն արծարծվել է “Հասարակության հետ շփման հմտությունները” թեման, ինչի վերաբերյալ իրենց նկատառումներն են հայտնել ակադեմիայի պատասխանատուները;

Վերջում հյուրերը պատասխանել են ներկաների կողմից բարձրացված հարցերին: