Բնակչության անվտանգ  երթևեկությունն ապահովելու նպատակով օրերս ԼՂՀ կառավարությանն առընթեր ոստիկանության ճանապարհային ոստիկանության և քաղաքապետարանի աջակցությամբ մայրաքաղաքի Ա.Մկրտչյան-Անդրանիկ-Վ.Մամիկոնյան խաչմերուկում տեղադրվել է լուսացուցային ժամանակակից սարքավորում, ինչը զգալիորեն կնպաստի մեքենաների երթևեկության հստակ համակարգմանն ու <<բեռնաթափմանը>>:

Տարածքում ճանապարհային ոստիկանության մասնագետների կողմից միաժամանակ իրականացվել են հորիզոնական գծանշման աշխատանքներ: Քայլեր են ձեռնարկվում քաղաքի լուսացույցերի նորոգման և նորերի տեղադրման ուղղությամբ:

Նոյեմբերի 6-ին քաղաքապետ, Ստեփանակերտի օրհներգի մրցութային հանձնաժողովի նախագահ Սուրեն Գրիգորյանի գլխավորությամբ կայացավ հանձնախմբի հերթական նիստը, որտեղ քննություն առնվեցին երկրորդ փուլ անցած աշխատանքները:

Ներկաների կողմից ամենատարբեր տեսակետներ հնչեցին ներկայացված օրհներգի տեքստերի շուրջ, որոնք միտված են լիարժեք, կատարյալ ստեղծագործությունների ապահովմանը: Քննարկումների արդյունքում առաջարկվեց արժանի գործերը /օրհներգի համար երաշխավորված տեքստերը/ հեղինակիներին հանձնել վերջնական հղկման ու խմբագրման նպատակով  և լրամշակված տարբերակներն ընդգրկել մրցութի հերթական փուլ:

Քննարկումներ մայրաքաղաքի ուրվագծվելիք նոր գլխավոր հատակագծի շուրջ

Նոյեմբերի 5-ին քաղաքապետ Սուրեն Գրիգորյանի մոտ կայացած ընդունելությանը քաղաքաշինության ոլորտի, մասնավորապես` մայրաքաղաք Ստեփանակերտի գլխավոր հատակագծի արդիականացմանն առնչվող խնդիրներն են քննարկվել աշխատանքային այցի շրջանակներում` Արցախում գտնվող Հայաստանի Հանրապետության քաղաքաշինության նախարար Նարեկ Սարգսյանի գլխավորած պատվիրակության անդամների հետ, որին ներկա էր ԼՂՀ քաղաքաշինության նախարար Կարեն Շահրամանյանը, պաշտոնատար այլ անձինք:

Ղեկավարվելով Լեռնային Ղարաբաղի Հանրապետության կառավարության 2012թ. դեկտեմբերի 26-ի <<Լեռնային Ղարաբաղի Հանրապետությունում ջեռուցման օրերի առավելագույն քանակ սահմանելու և Լեռնային Ղարաբաղի Հանրապետության կառավարության 2010 թվականի նոյեմբերի 24-ի  N765–Ն որոշումն ուժը կորցրած  ճանաչելու մասին>>  N918-ն որոշմամբ և հիմք ընդունելով ԼՂՀ արտադրական ենթակառուցվածքների նախարարության առ 31.10.2014թ. N2-1/682 գրությունը, քաղաքապետ Սուրեն Գրիգորյանը որոշում է ստորագրել մայրաքաղաք Ստեփանակերտում ջեռուցման սեզոնի սկիզբը սահմանելու մասին, որի համաձայն  2014-2015թթ. ջեռուցման սեզոնի <<մեկնարկը>> տրվում է  ս.թ.նոյեմբերի 1-ից:

Այսօր  Ստեփանակերտի քաղաքապետ Սուրեն Գրիգորյանը յուրահատուկ ընդունելություն էր կազմակերպել իր աշխատասենյակում: Իսկ հրավիրվածները` քաղաքապետարանի  մի խումբ նախկին աշխատակիցներ էին, ովքեր կենսաթոշակի անցնելու կապակցությամբ հյուրընկալվել էին Ս.Գրիգորյանի մետ:

Քաղաքապետը բարձր գնահատեց նրանց ավանդը` բնակչության կենսաապահովման  խնդիրների լուծման  բնագավառում և վաստակած հանգստի գնալու կապակցությամբ, առողջություն և ամենայն բարիք մաղթեց` համոզմունք հայտնելով, որ առաջվա պես, որպես ստեփանակերտցիներ, կշարունակեն  աջակցել սիրելի քաղաքին, կապրեն նրա հոգսերով և հաջողություններով:

Ինչպես հայտնի է, քաղաքապետ Սուրեն Գրիգորյանի որոշմամբ անցկացվում է Ստեփանակերտի օրհներգի /հիմնի/  ընտրության բաց մրցույթ, որի ժամկետը սահմանվել է 100 օր:

<<Էրեբունի-Երևան 2796>> տոնակատարության շրջանակում` Ստեփանակերտի քաղաքապետարանի պատվիրակության նկատմամբ  ցուցաբերած ուշադիր վերաբերմունքի և ջերմ ընդունելության համար քաղաքապետ Սուրեն Գրիգորյանը շնորհակալական նամակ է հղել  երևանցի իր գործընկերոջը` Տարոն Մարգարյանին, ուր մասնավորապես ասվում է. <<Հարգարժան Տարոն Անդրանիկի, թույլ տվեք իմ խորին շնորհակալությունը հայտնել Ձեզ` <<Էրեբունի-Երևան 2796>> տոնակատարության շրջանակում` մեր պատվիրակության նկատմամբ ցուցաբերած  առանձնահատուկ վերաբերմունքի և ջերմ ընդունելության համար:

Հոկտեմբերի 15-ին Ստեփանակերտի քաղաքապետ Սուրեն Գրիգորյանն ընդունել է <<Հանգանակ>> հասարակական  կազմակերպության նախագահ Գոհար Հովհաննիսյանին և Հայ կանանց բարեկեցության միության  /AVVWA-/nc,/  կողմից  իրականացվող ծրագրի  10-րդ տարեդարձի կապակցությամբ հոբելյանական միջոցառումներին մասնակցելու նպատակով Ստեփանակերտ ժամանած` կառույցի մի խումբ ներկայացուցիչների:

<<Սեփական եկամուտները միանշանակ պետք է ապահովել>>,- գտնում է քաղաքապետը

Այսօր կայացած Ստեփանակերտի քաղաքային համայնքի ավագանու նիստում, որը վարում էր քաղաքապետ Սուրեն Գրիգորյանը, օրակարգում ներառված երկու տասնյակից ավելի հարցերի թվում, լսվեց քաղաքային համայնքի 2014 թ. բյուջեի 9 ամսվա կատարման մասին հաղորդումը: Այն ավագանու անդամների դատին ներկայացրեց քաղաքապետարանի ֆինանսա-բյուջետային բաժնի պետ Մարատ Համբարձումյանը:

Գրեթե մի շաբաթ առաջ մեկնարկած <<Էրեբունի-Երևան-2796>> տոնական միջոցառումները եզրափակվել են հոկտեմբերի 12-ին համայն հայության մայրաքաղաք Երևանի Հանրապետության հրապարակում կայացած գալա համերգով, որին ներկա են գտնվել Հայաստանի Հանրապետության նախագահ Սերժ Սարգսյանը, Ամենայն հայոց կաթողիկոս Գարեգին Երկրորդը, ԱԺ նախագահ Գալուստ Սահակյանը, ԱԺ պատգամավորներ, ՀՀ կառավարության և Երևանի ավագանու անդամներ, Երևանի քույր և գործընկեր քաղաքների պատվիրակության անդամները, բազմաթիվ հյուրեր:

Գալա համերգին ներկա էր նաև Ստեփանակերտի քաղաքապետ Սուրեն Գրիգորյանը: