Պահոց
Տարադրամի Փոխարժեքներ
USD   476.16  դրամ
EUR   526.54  դրամ
RUB   7.43  դրամ
Եղանակը Ստեփանակերտում
14.01.2015   ՏՈՆԱԽՄԲՈՒԹՅՈՒՆ` ՇԱՀՈՒՄՅԱՆԻ ԱՆՎԱՆ ՊՈՒՐԱԿՈՒՄ

 Հունվարի 13-ին հին տոմարով Նոր տարին տոնական ուրախ տրամադրությամբ են դիմավորել, ինչպես նաև` ճանապարհել մայրաքաղաքի բնակիչները:

 Ավանդական դարձած միջոցառումը, որ կազմակերպել էր Ստեփանակերտի քաղաքապետարանի <<Ստեփանակերտի մշակույթի տուն>> ՊՈԱԿ-ը` Շահումյանի անունը կրող կենտրոնական պուրակում, անցել է երգի ու երաժշտության, ասմունքի սիրահարների ակտիվ մասնակցությամբ: Համերգային հագեցած հարուստ ծրագիրը, որի մեջ ներառվել էին ինչպես հայկական ժողովրդական և էստրադային երգեր ու պարեր, այնպես էլ` ժամանակակից կոմպոզիտորների ստեղծագործություններ, մեծ տպավորություն է թողել արվեստասերների վրա:Առանձնահատուկ ոգևորությամբ են հանդես եկել գեղարվեստական խմբի փոքրիկները` արժանանալով Ձմեռ պապի և Ձյունանուշի քաջալերանքին:

 Միջոցառումը վերածվել է իսկական տոնախմբության` ժպիտներ և ջերմություն պատճառելով հազարավոր ստեփանակերտցիների:

 Իզուր չի ասված` ինչպես դիմավորեցիր Նոր տարին, նույն տրամադրությամբ էլ այն քեզ կուղեկցի մինչև տարեվերջ:

 Տոնախմբությանը ներկա է գտնվել նաև քաղաքապետ Ս.Գրիգորյանը:

 

 

 

Ստեփանակերտի քաղաքապետարանի մամուլի քարտուղար