Պահոց
Տարադրամի Փոխարժեքներ
USD   482.36  դրամ
EUR   568.99  դրամ
RUB   8.19  դրամ
Եղանակը Ստեփանակերտում
29.11.2017   ԱՇԽԱՏԱՆՔԱՅԻՆ ԸՆԴԼԱՅՆՎԱԾ ԽՈՐՀՐԴԱԿՑՈՒԹՅՈՒՆ ՍՏԵՓԱՆԱԿԵՐՏԻ ՔԱՂԱՔԱՊԵՏԱՐԱՆՈՒՄ

ԻՆՉՊԵՍ ԴԻՄԱԿԱՅԵԼ ՁՄՌԱՆ ԱՐՀԱՎԻՐՔՆԵՐԻՆ

 

Աշնանային տաք, բարեհաճ եղանակներին վերջերս հաջորդած ցրտերը հուշում են, որ ձմեռն իր իրավունքների մեջ է, պետք է զգաստանալ և  ըստամենայնի նախապատրաստվել` հաղթահարելու ցանկացած անկանխատեսելի դժվարություն և փորձություն:

Արցախում այդ իրողությունների հաշվառումով են առաջնորդվում պետական հիմնարկները, կենսապահովման ոլորտի կառույցներն ու կազմակերպությունները: Բնության քմահաճույքներին դիմագրավելու լայնածավալ միջոցառումների ծրագիր է մշակվել Ստեփանակերտի քաղաքապետարանում, որը ներառում է ինչպես ենթակայության տակ գտնվող, այնպես էլ` մայրաքաղաքի ամենատարբեր հիմնարկ-ձեռնարկություններ ու ընկերություններ: Ծրագրում, մասնավորապես ամրագրված է, թե քաղաքում ձմռան ամիսներին առատ ձյան պատճառով ռաջացած արտակարգ իրավիճակներում ինչպիսի միջոցառումներ պետք է իրականացվեն, և ովքեր  են անհրաժեշտ տեխնիկա և մարդկային ներուժ ապահովող անձինք:

Թե ինչպիսի խնդիրներ և անելիքներ են  ծառացած պատասխանատուների առաջ, այդ մասին  շահագրգիռ խոսակցություն է ծավալվել նոյեմբերի 29-ին Ստեփանակերտի քաղաքապետ Սուրեն Գրիգորյանի կողմից` քաղաքապետարանում հրավիրված ընդլայնված խորհրդակցությունում, որին բաժնի պետերից բացի, ներկա էին քաղաքաշինության փոխնախարար Պավել Նաջարյանը, բազմաթիվ հիմնարկների  և շինարարական կազմակերպությունների ղեկավարներ:  Ս.Գրիգորյանը շեշտելով միջոցառումների ծրագրի կարևորությունը` զգոնություն դրսևորելու և արտակարգ իրավիճակներում մայրաքաղաքի բնականոն կյանքն ապահովելու գործում, ներկաներին կոչ արեց բազմակողմանիորեն նախապատրաստվել  ձմռանը և հաջողությամբ  քննություն բռնել,  միասնաբար հաղթահարել  բոլոր դժվարությունները:

<<Ամենաբարդ իրավիճակներում անգամ, որքան էլ որ ձմեռը ցրտաշունչ և ձյունառատ լինի, քաղաքի բնականոն կյանքը երբեք չպետք է խաթարվի: Այս ճշմարտությունը  պիտի գիտակցենք բոլորս, և հնարավորությունների  սահմաններում ձգտենք նպաստել երթևեկության անվտանգության պահպանմանը,- ասաց Սուրեն Գրիգորյանը: - Դժվարանցանելի  փողոց, հրապարակ, բակ, կամ էլ` մայթ չպետք է լինեն>>,- կարծիք հայտնեց նա` հիմնարկների, շինարարական  կառույցների ղեկավարներին հորդորելով միշտ պատրաստ  ու <<մարտական վիճակում>>  պահել տեխնիկան: 

 

Ստեփանակերտի քաղաքապետարանի մամուլի ծառայություն