Պահոց
Տարադրամի Փոխարժեքներ
USD   482.01  դրամ
EUR   540.96  դրամ
RUB   8.56  դրամ
Եղանակը Ստեփանակերտում
10.04.2017   ՄԱՅՐԱՔԱՂԱՔԸ ՆԱԽԱՊԱՏՐԱՍՏՎՈՒՄ Է ՄԱՅԻՍՅԱՆ ԵՌԱՏՈՆԻՆ

ԲԱՐԵԿԱՐԳՎՈՒՄ ԵՆ ՓՈՂՈՑՆԵՐԸ

 

Արդեն երկրորդ շաբաթն է, ինչ մայիսյան եռատոնի նախապատրաստման միջոցառումների շրջանակներում, բարեկարգման և վերականգնողական աշխատանքներ են իրականացվում մայրաքաղաքում: Նորոգվում, տեսքի են բերվում խաթարված հենապատերն ու աստիճանները, փողոցներն ու մայթերը: Անցորդների ուշադրությունից, հավանաբար, չեն վրիպում Ստեփան Շահումյանի անվան պուրակի շատրվանների հիմնանորոգումը, որ շուտով ավարտին կմոտենա և նոր  շունչ ու ոգի կհաղորդի շրջապատին:

Ստեփանակերտում արագ տեմպերով են ընթանում նաև փողոցների փոսալցման, հարդարման և ասֆալտապատման աշխատանքները: Գործընթացը, որ սկիզբ է առել Նաբերեժնայա փողոցից և ընդգրկում  է բոլոր թաղամասերը, իրականացնում է <Վիրաժ> ընկերությունը: Աշխղեկ Գրիշա Անտոնյանի հավաստմամբ, բոլոր երեք բրիգադներն էլ իրենց մասնաբաժինն ունեն ծրագրված աշխատանքներում և ձգտում են պատասխանատվությամբ կատարել ստանձնած գործը: Տեխնիկայի անխափան օգտագործումը ևս դրականորեն է անդրադառնում սահմանված ժամկետներում վերականգնողական աշխատանքների ավարտմանը: Նրա խոսքով, <<եթե տեղումները չխոչնդոտեն>>, մինչև ապրիլի 20-ը մայրաքաղաքում ամբողջովին ավարտին կհասցվի փողոցների փոսալցումն ու ասֆալտապատումը:

 

Ստեփանակերտի քաղաքապետարանի մամուլի ծառայություն