Պահոց
Տարադրամի Փոխարժեքներ
USD   484.72  դրամ
EUR   551.42  դրամ
RUB   7.27  դրամ
Եղանակը Ստեփանակերտում
29.04.2013   ՍՏԵՓԱՆԱԿԵՐՏԻ ՔԱՂԱՔԱՅԻՆ ՀԱՄԱՅՆՔԻ ԱՎԱԳԱՆՈՒ ՆԻՍՏԸ

ԱՌԱՋԻՆ ԵՌԱՄՍՅԱԿԻ ԱՐԴՅՈՒՆՔՆԵՐԸ ՀՈՒՍԱԴՐՈՂ ԵՆ

 

Ստեփանակերտի քաղաքապետ Սուրեն Գրիգորյանի նախագահությամբ ապրիլի 25-ին կայացած քաղաքային համայնքի ավագանու հերթական նիստում, օարակարգային մի շարք հարցերի թվում ներառված էր նաև համայնքի 2013թ. բյուջեի առաջին եռամսյակի կատարման մասին հարցը:

Նիստում առաջին եռամսյակի կատարման մասին հազորդմամբ հանդես եկավ քաղաքապետարանի ֆինանսա-բյուջետային բաժնի պետ Մարատ Համբարձումյանը:

Ըստ պարոն Համբարձումյանի, Ստեփանակերտի քաղաքային համայնքի 2013թ. 1-ին եռամսյակի բյուջեի ընդհանուր մուտքերը կազմել են 153660.0 հազ.դրամ (պլանավորված 188723.0 հազ.դրամ գումարի 81.4 %-ը): Ընդհանուր մուտքերի 52.5 %-ը կազմել են սեփական եկամուտները, որոնց գծով պլանավորված 70350.0 հազ.դրամի փոխարեն հավաքագրվել է 80660.0 հազ.դրամ կամ կատարողականը կազմել է 114.7 %: Միևնույն ժամանակ նախորդ տարվա համեմատ սեփական եկուտները նվազել են 19502.2 հազ.դրամով: Հատկանշական է, որ սեփական եկամուտների 63.5 %-ը կազմել են հարկային եկամուտները: Նախատեսված 45100.7 հազ.դրամի դիմաց հավաքագրվել է 51187.8 հազ.դրամ: Այսինքն կատարողականը կազմել է 113.5 %:

Շենքերից և շինություններից գանձվող գույքահարկի գծով մուտքերը կազմել են 18357.5 հազ.դրամ, հողի հարկից գանձվող մուտքերը` 2109.9 հազ.դրամ: Այն կազմում է պլանավորված 2125.0 հազ.դրամի 99.3%-ը: 2013թ. 1-ին եռամսյակի բյուջեի ընթացքում փոխադրամիջոցներից գույքահարկի գծով պլանավորված 22134.0 հազ.դրամի դիմաց մուտքագրվել է 29393.3 հազ.դրամ կամ կատարողականը կազմել է 132.8 %: Առաջընթաց է գրանցվել նաև ապրանքների օգտագործման կամ գործունեության իրականացման թույլտվության վճարների մասով: Տեղական տուրքերի գծով պլանավորված 10373.4 հազ.դրամի դիմաց մուտքագրվել է 10646.8 հազ.դրամ (կատարողականը կազմել է 102.6%): Պետական տուրքերի գծով պլանը կատարվել է 118.5 %-ով: Նախատեսված 3485.0 հազ.դրամի դիմաց մուտքագրվել է 4128.1 հազ.դրամ: 2013թ. 1-ին եռամսյակի ընթացքում պլանավորված 952.0 հազ.դրամի դիմաց կատարողականը կազմել է 139.4 %: Ասել է, թե` այլ հարկային  եկամուտների գծով մուտքագրվել է 1327.1 հազ.դրամ,

Եկամուտների շրջանակում 1-ին եռամսյակի ընթացքում այլ եկամուտների գծով մուտքագրվել է 14697.5 հազ.դրամ` նախատեսված 11390.9 հազ.դրամի դիմաց, կամ ծրագրված առաջադրանք իրականացվել է 129.0 %-ով: Գույքի վարձակալությունից եկամուտների կատարողականը կազմել է 99.3 %: Նախատեսված 5185.9-ի դիմաց հավաքագրվել է 5149.5 հազ.դրամ: Վարչական գանձումների գումարը 3655.0-ի փոխարեն կազմել է6119.1 հազ.դրամ, կամ առաջադրանքը կատարվել է 167.4 %: Տույժերից և տուգանքներից մուտքերը կազմել են 3206.8 հազ.դրամ կամ մուտքերն աճել են 2.2 անգամ:

Իր խոսքում, անդրադառնալով համայնքի 2013թ. բյուջեի առաջին կիսամյակի արդյունքներին, քաղաքապետ Սուրեն Գրիգորյանն, ընդհանուր առմամբ, բավարար գնահատեց ձեռք բերված ցուցանիշները` նշելով, թե դրանք հիմք պիտի հանդիսանան հաջորդ եռամսյակում առավել շոշափելի հաջողություններ ամրագրելու համար: Քաղաքապետը, գոհունակություն հայտնելով քաղաքային տեսչության, քաղաքապետարանի համապատասխան կառույցների համատեղ, արդյունավետ գործունեության վերաբերյալ, միևնույն ժամանակ ընդգծեց, թե ձեռքբերումը չպետք է ինքնահանգստացնի քաղաքապետարանի պատասխանատուներին, մանավանդ առանձին հարկատեսակների գծով թերացումներ կան և ինքը հետևողական, տքնաջան աշխատանք է ակնկալում բոլորից:

Ավագանին, քննարկման դնելով առաջին եռամսյակի կատարման մասին հաղորդագրությունը, այն արժանացրեց հավանության:

Նիստում որոշումներ կայացվեցին ոչ բնակելի տարածքը վարձակալության իրավունքով տրամադրելու, Ստեփանակերտի քաղաքային համայնքի սեփականություն հանդիսացող ոչ բնակելի տարածքները ուղղակի վաճառքի կարգով օտարելու վերաբերյալ: Ավագանու կողմից նախկինում ընդունված մի շարք որոշումներում կատարվեցին փոփոխություններ: Ավագանին մասնավորապես ընդունեց որոշում` մայրաքաղաքի որոշ փողոցների անվանումների փոփոխման մասին: Այսպես. Ալեքսանդր Բեկզադյան փողոցից բացի այսուհետ կունենանք նաև Ալեքսանդր Բեկզադյան նրբանցք: Ռ.Զորգե փողոցին և նրա անվամբ ունեցած թվով 3 նրբանցքներին <<ավելացել>> են Ռ.Զորգե 4-րդ, 5-րդ նրբանցքներն ու Ռ.Զորգե 2-րդ փակուղին: Իսկ Հ.Գյուրջյան փողոցին և առաջին, երկրորդ փակուղիներին <<գումարվել>> են Հ.Գյուրջյան նրբանցքն ու 3-րդ փակուղին:

Նիստի ավարտին ավագանու անդամների կողմից բարձրացվեցին Ստեփանակերտի ներքաղաքային խնդիրներին առնչվող տարաբնույթ հարցեր, որոնց շուրջ պարզաբանումներով հանդես է եկավ քաղաքապետ Ս.Գրիգորյանը:

 

 

 

Ստեփանակերտի քաղաքապետի մամուլի քարտուղար