Պահոց
Տարադրամի Փոխարժեքներ
USD   483.80  դրամ
EUR   554.58  դրամ
RUB   7.37  դրամ
Եղանակը Ստեփանակերտում
27.04.2017   ԵԶՐԱՓԱԿՎԵԼ Է ՎՈԼԵՅԲՈԼԻ ՔԱՂԱՔԱՅԻՆ ԱՌԱՋՆՈՒԹՅՈՒՆԸ

ՀԱՂԹՈՂ Է ՃԱՆԱՉՎԵԼ <<ԱՐՑԱԽԲԱՆԿԻ>> ԹԻՄԸ

 

Ստեփանակերտ քաղաքի աշխատանքային կոլեկտիվների միջև վոլեյբոլի առաջնության անցկացումն ավանդույթ է դարձել, ինչը թիմերին հնարավորություն է տալիս բարելավել մարզական վիճակը և հիշյալ մարզաձևում դրսևորել սեփական կարողություններն ու ընդունակությունները: Աշխատողների հանգստի կազմակերպման և առողջ ապրելակերպի ձևավորման յուրահատուկ վկայություն կարելի է դիտարկել ապրիլի 17-26-ը` մայրաքաղաքի հավաքական թիմերի միջև կազմակերպված վոլեյբոլի առաջնությունը, ինչը վեր հանեց ամենաուժեղներին:

Մրցությանը մասնակցում էին թվով 6 թիմեր, որոնք ներկայացնում էին ԼՂՀ Ազգային Ժողովը, էկոնոմիկայի, կրթության, գիտության և սպորտի նախարարությունները, կառավարությանն առընթեր արտակարգ իրավիճակների պետական ծառայությունը, <<Արցախբանկ>> և <<Հալո Թրաստ>> կազմակերպությունը: Հատկանշական է, որ կանոնակարգի համաձայն, թիմերում ընդգրկված էին և տղամարդիկ, և կանաք:

Մրցումներն անց են կացվել շրջանաձև եղանակով, ինչը թույլ է տվել ամփոփել արդյունքները ու ճիշտ գնահատել թիմերի հնարավորությունները: Առաջնությունում հաղթող է ճանաչվել <<Արցախբանկի>> կոլեկտիվի վոլեյբոլի թիմը: Երկրորդ մրցանակային տեղը գրավել է ԼՂՀ էկոնոմիկային նախարարության թիմը: Երրորդ տեղը` բաժին է հասել ԼՂՀ ԿԳ և սպորտի նախարարության թիմին:

Առաջնությունում մրցանակային տեղեր զբաղեցրած թիմերը Ստեփանակերտի քաղաքապետարանի կողմից պարգևատրվել են պատվոգրերով և դրամական պարգևով: Մրցանակները հանդիսավորությամբ մարզիկներին է հանձնել Ստեփանակերտի քաղաքապետի հատուկ հանձնարարությունների գծով մասնագետ Էդուարդ Առուշանյանը:

 

 

Ստեփանակերտի քաղաքապետարանի մամուլի ծառայություն