Պահոց
Տարադրամի Փոխարժեքներ
USD   482.48  դրամ
EUR   565.61  դրամ
RUB   7.83  դրամ
Եղանակը Ստեփանակերտում
24.12.2015   ԱՅՑ` ՄԱՅՐԱՔԱՂԱՔՈՒՄ ԿԱՌՈՒՑՎՈՂ ԵԿԵՂԵՑՈՒ ՇԻՆՀՐԱՊԱՐԱԿ

ԼՂՀ նախագահին ուղեկցում էր և Ստեփանակերտի քաղաքապետը

 

 Երեկ ԼՂՀ նախագահ Բակո Սահակյանը` Արցախի հոգևոր թեմի առաջնորդ Պարգև արքեպիսկոպոս Մարտիրոսյանի, քաղաքաշինության նախարար Կարեն Շահրամանյանի և Ստեփանակերտի քաղաքապետ Սուրեն Գրիգորյանի ուղեկցությամբ այցելել է մայրաքաղաքում կառուցվող Աստվածամոր Սուրբ Հովանի Մայր տաճարի շինհրապարակ և ծանոթացել շինարարական աշխատանքներին:

 2006 թվականի աշնանն էր, երբ Ամենայն հայոց կաթողիկոս Գարեգին Երկրորդի ձեռամբ դրվեց Ստեփանակերտի Աստվածամոր Սուրբ Հովանի Մայր տաճարի հիմնարկեքը և շինարարական աշխատանքներն ընթացք ստացան: Ու, քանի որ Աստծո տան կառուցումը հիմնականում իրականացվում է Էջմիածնի կաթողիկոսարանի, բարերարների նվիրատվությամբ և բնակչության հանգանակությամբ, Արցախի հոգևոր թեմի առաջնորդարանի կողմից, բնականաբար, վերհսկվում է ինչպես հայթայթված գումարների նպատակային ծախսումն, այնպես էլ` կատարվող աշխատանքների որակի ապահովումը:

 Պարգև սրբազանի հավաստմամբ, շինարարական աշխատանքների ավելի քան 80 տոկոսն արդեն իրականացված է ու <<քայլեր են ձեռնարկվում գալիք տարում վերջնական փուլն ավարտին հասցնելու համար>>:

 Ստեփանակերտի Աստվածամոր Սուրբ Հովանի Մայր տաճարի բարձրությունը կկազմի 35, իսկ զանգակատան բարձրությունը` 25 մետր: Ըստ Պարգև սրբազանի, խաչի տեղադրմամբ և օծմամբ` 2016-ի սեպտեմբերին նախատեսվում է եկեղեցու հանդիսավոր բացումը ու զիլ կղողանջեն առաջին զանգերը…

 

Ստեփանակերտի քաղաքապետարանի մամուլի ծառայություն