Պահոց
Տարադրամի Փոխարժեքներ
USD   484.55  դրամ
EUR   551.61  դրամ
RUB   7.21  դրամ
Եղանակը Ստեփանակերտում
10.07.2015   ՍՏԵՓԱՆԱԿԵՐՏԻ ՕՐՎԱ ԿԱՊԱԿՑՈՒԹՅԱՄԲ ԿԱՅԱՑԱՎ ՏՈՆԱԿԱՆ ՄԻՋՈՑԱՌՈՒՄՆԵՐԻ ԿԱԶՄԱԿԵՐՊՄԱՆ ԱՆԴՐԱՆԻԿ ՆԻՍՏԸ

    Ինչպես արդեն տեղեկացվել է, ս.թ. սեպտեմբերի 26-ին հանդիսավորությամբ կնշվի Ստեփանակերտ քաղաքի օրը: Թե այդ կապակցությամբ տոնական ինչպիսի միջոցառումներ են ծրագրվում իրականացնել մայրաքաղաքում, ձեռնարկվող քայլերի մասին մանրակրկիտ քննարկումներ ծավալվեցին հուլիսի 10-ին քաղաքապետ Սուրեն Գրիգորյանի նախագահությամբ հրավիրված տոնական միջոցառումների կազմակերպման հանձնաժողովի անդրանիկ նիստում:

   Քաղաքապետը ներկաների ուշադրությունը հրավիրեց  ավանդական դարձած տոնի անցկացմանն առնչվող սկզբունքային մի շարք հարցերի վրա` ընդգծելով , թե հնարավոր ամեն ինչ պիտի արվի ծրագիրը  հագեցած ու բազմաշերտ դարձնելու համար և տոնակատարությանը մասնակից պիտի արվեն բոլոր ստեփանակերտցիները: Քննարկումների ժամանակ հանձնաժողովի անդամների կողմից արվեցին արժեքավոր առաջարկություններ, հնչեցին ամենատարբեր տեսակետներ:

  Նիստի աշխատանքներն ամփոփեց տոնական միջոցառումների կազմակերպման հանձնաժողովի նախագահ, քաղաքապետ Սուրեն Գրիգորյանը:

 

 

Ստեփանակերտի քաղաքապետարանի մամուլի ծառայություն