Ավարտվեց մայրաքաղաքի հանրակրթական դպրոցների 8-12-րդ դասարանների աղջիկների միջև անցկացված մարզական միջոցառումների շրջանակում`հանդբոլի առաջնությունը: Այն ընթացել է Ստեփանակերտի հ.6 դպրոցի մարզադահլիճում` մայիսի 14-19-ը:
Լարված պայքարում հաղթող է ճանաչվել քաղաքի հ.2 դպրոցի աղջիկների թիմը`15:12 հաշվով առավելության հասնելով 8-րդ դպրոցի հավաքականի նկատմամբ:
Առաջնությունում երկրորդ մրցանակային տեղը գրավել է հ.8 դպրոցի թիմը: Երրորդ տեղը բաժին է հասել 6-րդ դպրոցի հավաքականին:
Մրցույթում մրցանակային տեղեր զբաղեցրած թիմերը Ստեփանակերտի քաղաքապետարանի կողմից արժանացել են պատվոգրերի և դրամական խրախուսանքի: Պարգևները մարզիկներին է հանձնել քաղաքապետի հատուկ հանձնարարությունների գծով մասնագետ Է.Առուշանյանը:
Ստեփանակերտի քաղաքապետարանի մամուլի ծառայություն