Քաղաքապետ Սուրեն Գրիգորյանը որոշում է ստորագրել Ստեփանակերտ քաղաքում հրդեհային անվտանգության միջոցառումների անցկացման մասին:
Որոշմամբ հրդեհների կանխման և հնարավոր հետևանքների նվազեցման նպատակով ստեծվել է հրդեհային անվտանգության միջոցառումների անցկացման հանձնաժողով, որը կգլխավորի փոխքաղաքապետ Արմեն Հակոբյանը:
Հաստատվել է նաև հրդեհային անվտանգության միջոցառումների ծրագիրը: Մասնավորապես նախատեսվում է հրդեհների կանխման և հնարավոր հետևանքների նվազեցման նպատակով Ստեփանակերտ քաղաքի հիմնարկ-ձեռնարկություններում, կազմակերպություններում` անկախ սեփականության ձևից, կազմակերպել հակահրդեհային կանխարգելիչ միջոցառումներ:
Ստեփանակերտի քաղաքապետարանի մամուլի ծառայություն