Պահոց
Տարադրամի Փոխարժեքներ
USD   481.77  դրամ
EUR   540.26  դրամ
RUB   8.50  դրամ
Եղանակը Ստեփանակերտում
11.05.2017   ՄԵԿՆԵԼ ԵՎ ՏԵՍԱԿՑԵԼ ԵՆ ԴԻՐՔԱՊԱՀ ԶԻՆՎՈՐՆԵՐԻՆ

 

Մայիսյան եռատոնի միջոցառումների շրջանակում պետական, հասարակական կառույցների, ուսումնական տարբեր հաստատությունների ներկայացուցիչներ մեկնեցին ՊԲ զորամասեր ու առաջնագիծ և հանդիպումներ ունեցան զինվորականների հետ: Ավանդական դարձած այդ  ձեռնակումներից անմաս չմնաց  նաև Ստեփանակերտի քաղաքապետարանի կոլեկտիվը այդպես արտահայտելով իր հարգանքն ու նվիրումը պաշտպանության բանակի, նրա շարքերում ծառայող հայ զինվորի նկատմամբ:

Եռատոնի նախօրյակին քաղաքապետարանի մի մեծ խումբ պատասխանատու աշխատողներ` փոխքաղաքապետներ Սուրեն Թամրազյանի, Արմեն Հակոբյանի ու աշխատակազմի ղեկավար Գագիկ Նազլուխանյանի մասնակցությամբ եղան դիրքերում, ծանոթացան մարտական ծառայություն իրականացնող զինվորների առօրյային, շփման գծում կիրառվող  դիտարկուն մեխանիզմներին ու նոր սարքավորումներին /հատկանշական է, որ պատվիրակության անդամները ծաղիկներ են խոնարհել Ասկերանի մատույցներում տեղադրված տանկ-հուշարձանին և Ն զորամասում` ապրիլյան պատերազմի ժամանակ զոհված զինվորների հիշատակին կառուցված հուշաքարին/:  Մի-մի բաժակ թեյի  սեղանի շուրջ  նրանք անկաշկանդ զրույց ունեցան տղաների  հետ, անդրադարձան <<բանակ-հասարակություն>>, <<Ազգ-բանակ>> կապերի ամրապնդմանը, մտքեր փոխանակեցին ՀՀ պաշտպանության նախարարի կողմից առաջարկված <<Պատիվ ունեմ>> ծրագրի վերաբերյալ:

Քաղաքապետարանի ներկայացուցիչները, բնականաբար, դատարկաձեռն չէին մեկնել առաջնագիծ ու զինվորների համար քաղցրավենիքներ և մթերքներ, առաջին անհրաժեշտության պարագաներ էին գնել ու հասցրել դիրքեր:

 

 

Ստեփանակերտի քաղաքապետարանի մամուլի ծառայություն