Ամփոփվել են հոկտեմբերի 10-20-ը <<Վալեքս Գարդեն>>  ՓԲԸ խաղահրապարակում` Ստեփանակերտ քաղաքի կոլեկտիվների միջև  կայացած մինի-ֆուտբոլի մրցումների արդյունքները, որին մասնակցում էին 8 թիմեր:

Ամանորի տոնակատարությունները պատշաճ մակարդակով կազմակերպելու նպատակով, քաղաքապետ Սուրեն Գրիգորյանը որոշում է ստորագրել  Ստեփանակերտ քաղաքում 2018թ. Ամանորի տոնական միջոցառումների անցկացման վերաբերյալ:

Քաղաքապետի որոշմամբ ստեղծվել է հանձնաժողով և հաստատվել անհատական կազմը: Այն կգլխավորի Ստեփանակերտի քաղաքապետի տեղակալ Արմեն Հակոբյանը: Հանձնաժողովի կազմում ընդգրկվել են ինչպես քաղաքապետարանի պատասխանատուներ, այնպես էլ նրա ենթակայության տակ գտնվող ընկերությունների և կազմակերպությունների  ղեկավարներ:

Երևանի քաղաքապետ Տարոն Մարգարյանը հյուրընկալել է «Էրեբունի-Երևան 2799» տոնակատարությանը մասնակցելու նպատակով Երևան այցելած Արցախի Հանրապետության մայրաքաղաք Ստեփանակերտի քաղաքապետ Սուրեն Գրիգորյանին: Ողջունելով Ստեփանակերտի քաղաքապետին՝ Տարոն Մարգարյանը շնորհակալություն է հայտնել Երևանի տոնը միասին նշելու հրավերն ընդունելու համար:

Ակադեմիկոս Թախթաջյանի անվան <<Ստեփանակերտի բուսաբանական այգի>> ընկերության մասնագետները մայրաքաղաքի փողոցներում և զբոսայգիներում, պուրակներում շարունակում են ծառերի երիտասարդացման և ձևավորման աշխատանքները:

Քաղաքապետարանի բնակարանային, կոմունալ տնտեսության և բնապահպանության  բաժնի պետ Կառլեն Գրիգորյանի հավաստմամբ, այս օրերին ընկերության բանվորներն աշխատանքներ են իրականացնում քաղաքի Վ.Սարգսյան փողոցում: Անհրաժեշտության դեպքում` հատվում են տարեց, չորացած ծառերը կամ մասնակի կտրտվում, հեռացվում են  չորացող, ոչ պիտանի ճյուղերը: Նրա խոսքով, նախատեսվում է  շարքից դուրս եկած ծառերը փոխարինել նոր տնկիներով:

Արդեն  7–րդ տարին է, ինչ գյուղատնտեսության աշխատողի օրվա կապակցությամբ տոնախմբություն է կազմակերպվում մայրաքաղաքում, որից անմասն չի մնում հանրապետության ոչ մի համայնք:

ԳՈՒՅՔԱՀԱՐԿԻ ՄԱՍՈՎ ՉԵՆ ԱՐԴԱՐԱՑՎԵԼ ՍՊԱՍԵԼԻՔՆԵՐԸ

Քաղաքապետ Սուրեն Գրիգորյանի նախագահությամբ հոկտեմբերի 10-ին կայացել է Ստեփանակերտի քաղաքային համայնքի ավագանու նիստը: Օրակարգում ներառված մեկ տոսնյակից ավելի հարցերի վերաբերյալ քննարկումների արդյունքում ընդունվել են համապատասխան որոշումներ:

Նիստում քաղաքային համայնքի 2017թ. բյուջեի 9 ամսվա կատարման մասին հաղորդումով հանդես է եկել քաղաքապետարանի ֆինանսաբյուջետային բաժնի պետ Մարատ Համբարձումյանը:

Ղեկավարվելով  <<Տեղական ինքնակառավարման մասին>> Լեռնային Ղարաբաղի Հանրապետության օրենքի 32-րդ հոդվածի 1-ին մասի 19-րդ կետով, 37-րդ և 47-րդ հոդվածներով, ինչպես նաև հաշվի առնելով Արցախ աշխարհին ու Ստեփանակերտին մատուցած ծառայությունները,  քաղաքապետ Սուրեն Գրիգորյանը որոշում է ստորագրել` պետական գործիչ, գրող, մանկավարժ Սարգիս Աբրահամյանի  հիշատակը հավերժացնելու մասին:

Որոշման համաձայն, գրողի  հարթաքանդակը կտեղադրվի Վազգեն Սարգսյան փողոցի N25 հասցեում գտնվող նրա բնակարանի շենքի պատին:

Ստեփանակերտի քաղաքապետարանի մամուլի ծառայություն

Քաղաքապետ Սուրեն Գրիգորյանը որոշում է ստորագրել 2017-2018թթ. ձմռան նախապատրաստական աշխատանքների ծրագիրը հաստատելու մասին:

Համաձայն որոշման, աշխատանքների կազմակերպման համալիր միջոցառումներ են նախատեսվում Ստեփանակերտի քաղաքապետարանի ենթակա կազմակերպությունների, ինչպես նաև շահագրգիռ ընկերությունների մասով: Ծրագրում մասնավորապես ներգրավված են <<Սանմաքրում>> ՀՈԱԿ, <<Ակադեմիկոս Թախթաջյանի անվան Ստեփանակերտի բուսաբանական այգի>> և <<Բնակարանային շահագործման տնտեսություն>>, <<Ջրմուղ կոյուղի>>, <<Ջերմային տնտեսություն, <<Ն.Ստեփանյանի անվան քաղաքային զբոսայգի>>, <<Բիոէներգիա>> ընկերությունները:

ԱՅՆ ՎԵՐԱԾՎԵԼ ԷՐ ԺՈՂՈՎՐԴԱԿԱՆ ՏՈՆԱԽՄԲՈՒԹՅԱՆ

Սեպտեմբերի 23-ին Արցախի մայրաքաղաքում տոն էր, համաժողովրդական տոնախմբություն: Ստեփանակերտցիները հերթական անգամ նշեցին սիրելի քաղաքի օրը:

Առավոտից քաղաքի զինանշանով ու դրոշներով, գույնզգույն փուչիկներով զարդարված ավտոմեքենաները ուրախ երաժշտության ուղեկցությամբ հայտնվելով փողոցներում` Ստեփանակերտի օրվա կապակցությամբ, քաղաքապետարանի անունից ծաղիկներ և հուշանվերներ էին բաժանում անցորդներին` շռայլորեն շնորհավորանքներ հղում:

Սեպտեեմբերի 23-ին քաղաքապետ  Սուրեն Գրիգորյանն ընդունել է Ստեփանակերտի օրվա առթիվ Արցախ ժամանած Երևանի քաղաքապետարանի պատվիրակությանը` փոխքաղաքապետ Դավիթ Օհանյանի գլխավորությամբ:

Քաղաքապետը ողջունելով հյուրերին և շնորհակալություն հայտնելով հրավերն ընդունելու և տոնակատարություններին իրենց մասնակցությունը բերելու համար, փոխգործակցության համատեքստում կարևորեց այն բարի ավանդույթը, որ Երևանի ու Ստեփանակերտի օրը միշտ նշում են միասին, տոնական բարձր տրամադրությամբ, ինչը մեկ անգամ ևս վկայում է հետզհետե խորացող կապերի ու կողմերի միջև ամրապնդվող բարեկամության մասին: