Պահոց
Տարադրամի Փոխարժեքներ
USD   481.74  դրամ
EUR   546.00  դրամ
RUB   7.01  դրամ
Եղանակը Ստեփանակերտում
11.12.2019   Քաղաքապետ Դավիթ Սարգսյանի շնորհավորական ուղերձը ԱՀ Սահմանադրության օրվա առթիվ

Սիրելի՛ արցախցիներ,

շնորհավորում եմ ձեզ պետական կարևորագույն տոներից մեկի՝ ԼՂՀ պետական անկախության մասին հանրաքվեի և Սահմանադրության օրվա առթիվ: Դեկտեմբերի 10-ին արցախցին կատարեց վճռորոշ ընտրություն՝ համաժողովրդական հանրաքվեով ընդունված ԱՀ Սահմանադրությունն ամուր հիմք պետք է հանդիսանար մեր երկրի հետագա բարգավաճման և հզորացման համար: Անցած տարիներին ՀՀ Սահմանադրությունն, անկասկած, նպաստել է մեր անկախ պետականության կայացմանը, դժվարին իրավիճակներում՝ նաև երկրի ներքին ու արտաքին կայունության ապահովմանը:Անկախության ձեռքբերումից ի վեր կատարվել է հսկայական աշխատանք, մենք հասունացել ենք որպես հասարակություն, ամրացել որպես պետություն:
Սահմանադրությունը համարվում է երկրի օրինականության խորհրդանիշ: Սակայն յուրաքանչյուր պետության լավագույն խորհրդանիշը նրա օրինապաշտ, օրենքով պաշտպանված քաղաքացին է, իսկ սահմանադրական արժեքները իրողություն կդառնան այն դեպքում. երբ մեզանից յուրաքանչյուրն իր ներսում այդ արժեքների կրողը լինի:
Կրկին շնորհավորում եմ բոլորիս ու մաղթում խաղաղություն, բարեկեցություն և ամենայն բարիք։