25.12.2012 ԱՇԽԱՏԱՆՔԱՅԻՆ ԽՈՐՀՐԴԱԿՑՈՒԹՅՈՒՆ` ՆՎԻՐՎԱԾ ՔԱՂԱՔԻ ԿԵՆՍԱԳՈՐԾՈՒՆԵՈՒԹՅԱՆ ԲԱՐԵԼԱՎՄԱՆԸ
Դեկտեմբերի 24-ին քաղաքապետ Սուրեն Գրիգորյանը հրավիրել է տարեվերջյան աշխատանքային խորհրդակցություն` միտված քաղաքապետարանի ենթակա հիմնարկ-ձեռնարկությունների /մասնավորապես` <<Ջրմուղ-կոյուղի>>, <<Սանմաքրում>>, <<>Ջերմային տնտեսություն>, ԲՇՏ, <<Համայնքային ծառայություն>> և այլն/ կողմից մայրաքաղաքի կենսագործունեության բարելավմանը: Աշխատանքի արդյունավետությունը բարձրացնելու նպատակով, Ս.Գրիգորյանը կառույցների պատասխանատուներին մի շարք հանձնարարություններ տվեց: Քաղաքապետը հետաքրքրվեց ընկերությունների ֆինանսատնտեսական գործունեությամբ, փորձելով պարզել թե մատուցված ծառայությունների դիմաց բնակչության և կազմակերպությունների կողմից ինչպես են կատարվում գանձումները և հարկերի հավաքագրումը, եկամուտների մասով որ կառույցներն են գերակատարել պլանները, ինչպիսի խնդիրնեեր են խոչընդոտում աշխատանքներին: Սուրեն Գրիգորյանը վերստին ընդգծեց, որ անպայմանորեն պետք է մարել բոլոր պարտքերը, ինչպես նաև ճշգրտել սպասելիք եկամուտների չափերը` նպատակ հետապնդելով առանց խնդիրների ոտք դնել 2013 թվական: Ս.Գրիգորյանը հետաքրքրվեց նաև Ամանորի հետ կապված միջոցառումների ծրագրով: Փոխքաղաքապետ Ա.Հակոբյանն իրազեկեց, որ մայրաքաղաքում տոնական ձևավորման նախապատրաստական աշխատանքներն ավարտական փուլում են գտնվում և դեկտեմբերի 24-ից կմեկնարկեն կենտրոնացված Ամանորի միջոցառումները: Եզրափակելով խորհրդակցությունը , քաղաքապետը ներկաներին ևս մեկ անգամ հիշեցրեց, որ <<ավարտվող տարում կիսատ գործեր չպետք է մնան և Նոր Տարին պետք է դիմավորել արժանապատվորեն>>:
Ստեփանակերտի քաղաքապետի մամուլի քարտուղար |
< Վերադառնալ |