Պահոց
Տարադրամի Փոխարժեքներ
USD   477.57  դրամ
EUR   526.28  դրամ
RUB   7.48  դրամ
Եղանակը Ստեփանակերտում
21.09.2018   ԽՐԱԽՈՒՍՎԵԼ ԵՆ ԼԱՎԱԳՈՒՅՆ ՇԱՐԱԴՐՈՒԹՅՈՒՆՆԵՐԻ ՀԵՂԻՆԱԿՆԵՐՆ ՈՒ ԱՍՄՈՒՆՔՈՂՆԵՐԸ

 

Քաղաքի օրվա կապակցությամբ միանգամից երկու մրցույթ էր կազմակերպել Ստեփանակերտի քաղաքապետարանի կրթության և սպորտի բաժինը` մայրաքաղաքի հանրակրթական դպրոցների աշակերտների միջև: Առաջինը, որ անցկացվեց դպրոցների ստեղծագործական շարադրությունների ձևաչափով` <<Իմ սիրուն քաղաք, դու գարուն քաղաք>> խորագիրն էր կրում: Երկրորդ մրցույթը ծավալվել էր լավագույն ասմունքողների միջև: Հատկանշական է, որ արդյունքները, ըստ հանձնախմբի անդամների, գերազանցել են բոլորի սպասելիքները ու երկու պարագայում էլ` աշակերտներն իրենց դրսևորել են արժանապատիվ կեցվածքով, աչքի ընկել բացառիկ շնորհքով և ընդունակություններով:

Այս ամենի մասին մրցույթում հաղթող դպրոցականների պարգևատրմանը` քաղաքապետարանում կազմակերպված հանդիսավոր միջացառմանն իր ողջույնի խոսքում նշեց կրթության և սպորտի բաժնի պետ Կառլեն Մարգարյանը, ով ներկաներին շնորհավորեց հիշարժան տոնի` Ստեփանակերտի օրվա առթիվ: Նրա հավաստմամբ, միջոցառումներին իրենց մասնակցությունն են բերել ավելի քան 6 տասնյակ պատանիներ ու աղջիկներ, որոնք իրենց կարողություններն են ցուցաբերել շարադրությունների և ասմունքողների մրցույթում  արժանացել պատվոգրերի և հուշանվերների:

Պարգևատրման արարողությունն իրականացրեց փոխքաղաքապետ Արմեն Հակոբյանը, ով իր հերթին շնորհավորեց մրցույթում աչքի ընկածներին և հանդիսավորությամբ հանձնեց պարգևները: Խրախուսվեցին նաև շնորհաշատ դպրոցականների հայոց լեզվի և գրականության ուսուցիչները:

Վերջում ասմունքողների <<առաջնությունում>> լավագույնները ճանաչված աշակերտները ասմունքեցին հայ գրողների, ինչպես նաև իրենց հեղինակած ստեղծագործություններից:

 

Ստեփանակերտի քաղաքապետարանի մամուլի ծառայություն