Պահոց
Տարադրամի Փոխարժեքներ
USD   482.36  դրամ
EUR   568.99  դրամ
RUB   8.19  դրամ
Եղանակը Ստեփանակերտում
10.10.2017   ՍՏԵՓԱՆԱԿԵՐՏԻ ՔԱՂԱՔԱՅԻՆ ՀԱՄԱՅՆՔԻ ԱՎԱԳԱՆՈՒ ՆԻՍՏԸ

ԳՈՒՅՔԱՀԱՐԿԻ ՄԱՍՈՎ ՉԵՆ ԱՐԴԱՐԱՑՎԵԼ ՍՊԱՍԵԼԻՔՆԵՐԸ

Քաղաքապետ Սուրեն Գրիգորյանի նախագահությամբ հոկտեմբերի 10-ին կայացել է Ստեփանակերտի քաղաքային համայնքի ավագանու նիստը: Օրակարգում ներառված մեկ տոսնյակից ավելի հարցերի վերաբերյալ քննարկումների արդյունքում ընդունվել են համապատասխան որոշումներ:

Նիստում քաղաքային համայնքի 2017թ. բյուջեի 9 ամսվա կատարման մասին հաղորդումով հանդես է եկել քաղաքապետարանի ֆինանսաբյուջետային բաժնի պետ Մարատ Համբարձումյանը:

Ըստ վիճակագրական տվյալների, Ստեփանակերտի քաղաքային համայնքի 2017թ. 9 ամսվա ընդհանուր մուտքերը կազմել են 1047905,5 հազ.դրամ, ինչը կազմում է պլանավորված 1199597,0 հազ.դրամ գումարի 87,4 տոկոսը: Ընդհանուր մուտքերի 22,6 տոկոսը կազմել են սեփական եկամուտները: Նախատեսված 285422,0 հազ.դրամի դիմաց հավաքագրվել է 237205,5 հազ.դրամ /կատարողականը կազմում է 83,1 տոկոս/:

Շենքերից և շինություններից գանձվող գույքահարկի գծով մուտքերը կազմել են 54579,5, իսկ հողի հարկից գանձվող մուտքերը` 6214,8 հազ.դրամ: Փոխադրամիջոցներից մուտքագրվել է 84369,9 հազ.դրամի գույքահարկ: Տեղական տուրքեի գծով նախատեսված պլանն իրականացվել է 133 տոկոսով: Պետական տուրքերի գծով մուտքագրվել է 12534,0 հազ.դրամ կամ կատարողականը կազմել է 118,4 տոկոս:

Համայնքի բյուջեի ընդհանուր եկամուտների 77,4 տոկոսը կազմել է պետական բյուջեից տրամադրվող դոտացիան: 2017թ. 9 ամսվա բյուջեի պլանավորված դոտացիայի գումարը կազմել է 914175,0 հազ.դրամ, որից հատկացվել է 810700,0 հազ.դրամ /կատարողականը կազմում է 88,7 տոկոս/: Հողերի վարձակալության մասով համայնքային բյուջեի եկամուտները կազմել են 3687,1 հազ.դրամ, գույքի վարձակալությունից եկամուտների կատարողականը` 102,7 տոկոս: Նախատեսված 3350,0 հազ.դրամի դիմաց հավաքագրվել է 3487,1 հազար դրամ:

Քաղաքային համայնքի 2017թ. 9 ամսվա բյուջեի ծախսերը ֆինանսավորվել են 1053227,1 հազ.դրամի չափով, որը կազմում է պլանավորված 1206166,7 հազ.դրամի 87,3 տոկոսը: Համայնքի ենթակայության կազմակերպությունների գծով նախատեսված 795003,0 հազ.դրամի դիմաց ֆինանսավորվել է 741733,1 հազ.դրամ:

Անդրադառնալով քաղաքային համայնքի բյուջեի 9 ամսվա կատարողականին, քաղաքապետը գոհունակություն հայտնեց մի շարք կարևոր եկամտահարկերի մասով ստանձնած պարտավորությունները կատարելու առնչությամբ: Միևնույն ժամանակ նա անընդունելի համարեց, որ գույքահարկի մասով չեն արդարացվել սպասվելիքները ու նախատեսվածից քիչ գումար է հավաքագրվել: Ս.Գրիգորյանը քաղաքապետարանի համապատասխան կառույցների պատասխանատուներին հանձնարարեց ուսումնասիրել և վեր հանել թերացման պատճառները ու քայլեր ձեռնարկել բյուջեի մուտքերն ապահովելու ուղղությամբ: Քաղաքապետն ավելորդ չհամարեց քաղաքացիներին` հիշեցնել համայնքի հանդեպ ունեցած իրենց պարտավորությունների մասին. հավելելով, որ գործող օրենքի համաձայն, հարկերից խուսափողների նկատմամբ կկիրառվեն տույժեր և տուգանքներ:

Ավագանին, ծավալված քննարկումներից հետո ի գիտություն ընդունեց Մ.Համբարձումյանի` քաղաքային համայնքի 2017թ. բյուջեի 9 ամսվա կատարման մասին հաղորդումը: Նիստում որոշում կայացվեց Ստեփանակերտի քաղաքային համայնքի բյուջեի պահուստային ֆոնդից 450 հազար դրամ գումար հատկացնել ավագանու անդամներին` 2017թ. երրորդ եռամսյակի ծախսերի փոխհատուցման նպատակով: Ավագանին իր համաձայնությունը տվեց Ստեփանակերտ քաղաքում 2017թ. օգոստոս-հոկտեմբեր ամիսներին ընդերային լեյշմանիոզի օջախների մշակման աշխատանքները ֆիանանսավորելու նպատակով` ԼՂՀ առողջապահության նախարարության ՊՀՀՏ <<Համաճարակաբանության և հիգիենայի կենտրոն>> պետական ոչ առևտրային կազմակերպությանը` ֆինանսական միջոցների հատկացնելու մասին որոշմանը:

Ավագանու մեկ այլ որոշմամբ, ուժը կորցրած ճանաչվեց 2009թ. հունիսի 1-ի Ստեփանակերտի քաղաքապետին կից խնամակալության և հոգաբարձության հանձնաժողովի անհատական կազմի վերաբերյալ որոշումը և հավանություն տրվեց նոր հանձնաժողովի կազմին, որը կգլխավորի քաղաքապետարանի աշխատակազմի ղեկավար Գագիկ Նազլուխանյանը: Նիստում որոշումներ կայացվեցին համայնքի սեփականություն հանդիսացող շենքերից, քաղաքացիներին նվիրատվության կարգով, բնակարաններ օտարելու, ինչպես նաև ոչ բնակելի տարածքներ ուղղակի վաճառքի ձևով օտարելու մասին:

Նիստի աշխատանքներն ամփոփեց քաղաքապետ Սուրեն Գրիգորյանը:

 

Ստեփանակերտի քաղաքապետարանի մամուլի ծառայություն