18.11.2016   ՀՅՈՒՐԸՆԿԱԼՎԵԼ ԵՆ ՔԱՂԱՔԱՊԵՏԱՐԱՆՈՒՄ

ԵՐԵՎԱՆԻ ԷՐԵԲՈՒՆԻ ՎԱՐՉԱԿԱՆ ՇՐՋԱՆԻ ՊԱՏՎԻՐԱԿՈՒԹՅԱՆ ԱՅՑԸ ՍՏԵՓԱՆԱԿԵՐՏ

 

Նոյեմբերի 18-ին Ստեփանակերտի քաղաքապետ Սուրեն Գրիգորյանը հյուրընկալել է Երևան քաղաքի Էրեբունի վարչական շրջանի պատվիրակությանը, որի կազմում են շրջանի կրթության բաժնի պետ Իննա Դավթյանը, քաղաքաշինության և հողօգտագործման բաժնի պետ Մարտիրոս Գրիգորյանը, այլ պատասխանատուներ:

Քաղաքապետը, ողջունելով հյուրերին,  անդրադարձել է Երևանի ու Ստեփանակերտի, Երևանի վարչական շրջանների ու Ստեփանակերտի միջև հաստատված բարեկամությանը, ամենատարբեր ոլորտներում հաջողությամբ իրականացվող համագործակցությանը և ծրագրերին, բարձր գնահատել Երևանի քաղաքպետ Տարոն Մարգարյանի անձնական ներդրումը` լավագույն  ավանդույթների ձևավորման և  զարգացման, մշտական աջակցության  խնդրում: <<Յուրաքանչյուր այց  ուրախացնում է մեզ, ավելի անմիջական դարձնում  հարաբերությունները, նպաստում կապերի ամրապնդմանը, ծնունդ են առնում նոր մտահղացումներ ու ծրագրեր, ավելի է ամրապնդվում կողմերի միջև բարեկամությունը, ինչը, իմ խորին համոզմամբ,  ամենանշանակալի            ձեռքբերումն է>>,- նշել է քաղաքապետ Սուրեն Գրիգորյանը:

Պատվիրակության անդամները շնորհակալություն են հայտնել ջերմ ընդունելության համար և  քաղաքապետին փոխանցել Էրեբունի վարչական շրջանի ղեկավարի բարեմաղթանքները:

Հանդիպմանը ներկա է գտնվել նաև փոխքաղաքապետ Սուրեն Թամրազյանը:

 

* * *

Հյուրերը նույն օրն այցելել են  Մուրացանի անվան քաղաքային գրադարան և գրքեր նվիրել: Պատվիրակության անդամները հյուրընկալվել են նաև Ստեփանակերտի մանկապատանեկան ստեղծագործության կենտրոնում, ունկնդրել կրթօջախի սաների պատրաստած ելույթները:

Վաղը պատվիրակության անդամները, այցի շրջանակում, հանդիպումներ կունենան ՊԲ  Ն  զորամասում, կլինեն <<Մոր և մանկան հանրապետական կենտրոնում>> և նորածիններին նվերներ կհանձնեն:

 

Ստեփանակերտի քաղաքապետարանի մամուլի ծառայություն

 
< Վերադառնալ