Պահոց
Տարադրամի Փոխարժեքներ
USD   477.46  դրամ
EUR   526.02  դրամ
RUB   7.42  դրամ
Եղանակը Ստեփանակերտում
26.03.2012   ՔԱՂԱՔԱՊԵՏԱՐԱՆՆ ՕՐԻՆԱԽԱԽՏՈՒՄՆԵՐԻ ՆԿԱՏՄԱՄԲ ԱՆԶԻՋՈՒՄ ԿԳՏՆՎԻ

Քաղաքապետարանի քաղաքային տեսչության քաղաքաշինական ու համաքաղաքային կանոնների պահպանման ու վերահսկողության բաժնի թիվ 1 խնդիրն է աչալրջորեն վերահսկել Ստեփանակերտում իրականացվող շինարարական աշխատանքների ընթացքը և արագ արձագանքել բնակչության կողմից ստացվող բողոքներին ու ահազանգերին: Միայն անցյալ տարի ընդհանուր բարեկարգման կանոնների խախտման և ինքնակամ շինարարություն իրականացնելու համար վարչական պատասխանատվության են ենթարկվել թվով 33 օրինախախտ իրավաբանական և ֆիզիկական անձինք: Թվով 7 օբյեկտների մասով կազմվել և ներկայացվել են պետական բյուջեի միջոցների հաշվին իրականացված շինարարության շահագործման փաստագրման ակտեր: Միաժամանակ, համաձայն քաղաքապետարանին հասցեագրված դիմումների, տեղում ստուգվել և ընթացքավորվել են տարբեր կազմակերպություններից ուղարկված 15 գրություն, բնակչությանը տարաբնույթ հարցերով հուզող 67 դիմում: Շինարարություն իրականացնելու ժամկետները խախտված 342 սուբյեկտ գրավոր ծանուցվել է տրամադրված շինարարության թույլտվությունների երկարաձգման և ավարտված շինարարության շահագործման փաստագրման մասին: Փաստագրվել է 266 շինարարական օբյեկտ, վերահսկվել թվով 329 սուբյեկտների շինարարության ընթացքը: Այդ ուղղությամբ իրականացվող աշխատանքները կլինեն շարունակական և քաղաքապետարանն օրինախախտումների նկատմամբ այսուհետև ևս անզիջում կգտնվի: Մեղավորները կենթարկվեն վարչական պատասխանատվության: