24.02.2015   ՔԱՂԱՔԱՊԵՏՆ ԱՇԽԱՏԱՆՔԱՅԻՆ ԽՈՐՀՐԴԱԿՑՈՒԹՅՈՒՆ Է ՀՐԱՎԻՐԵԼ

   Մայրաքաղաքում ձնամաքրման  և ձնահեռացման աշխատանքների ընթացքը, ինչպես նաև առաջիկայում ծրագրվելիք  անելիքներն են հստակեցվել փետրվարի 24-ին քաղաքապետարանի աշխատակազմի և նրա ենթակայության տակ գտնվող հիմնարկ-ձեռնարկությունների պատասխանատուների մասնակցությամբ հրավիրված աշխատանքային խորհրդակցությունում, որը վարում էր քաղաքապետ Սուրեն Գրիգորյանը:

  Խորհրդակցությունում գործընթացի վերաբերյալ տեղեկատվությամբ հանդես են եկել  <<Սանմաքրում>>, <<Բնակարանային շահագործման տնտեսություն>>, <<Ջրմուղ-կոյուղի>> ընկերությունների և Թախթաջյանի անվան բուսաբանական այգու ղեկավարները: Քաղաքապետը նրանց հանձնարարել է ավելի ակտիվացնել ձնամաքրման աշխատանքները` ներգրավելով նաև մասնավոր տնտեսություններին:

  Հաշվի առնելով, որ առաջիկայում մի շարք կարևոր իրադարձություններ են սպասվում հանրապետությունում (փորձնական մարդահամար, խորհրդարանական ընտրություններ, Մեծ Եղեռնի զոհերի հիշատակի խնկարկում և նորակառույց զանգակատան հանդիսավոր բացում, մայիսյան եռատոն, ծառատնկման և սանիտարական մաքրման շաբաթօրյակ և այլն), քաղաքպետ Ս.Գրիգորյանը ներկաներին կոչ է արել համապատասխան ծրագրեր մշակել այդ ուղղությամբ և ձեռնամուխ լինել դրանց իրականացմանը:

  Խորհրդակցությունում  քննության են առվել և այլ  բնույթի հարցեր:

 

 

 

Ստեփանակերտի քաղաքապետարանի մամուլի քարտուղար