Պահոց
Տարադրամի Փոխարժեքներ
USD   475.91  դրամ
EUR   527.40  դրամ
RUB   7.25  դրամ
Եղանակը Ստեփանակերտում
27.10.2014   ՄՐՑՈՒԹԱՅԻՆ ՀԱՆՁՆԱԺՈՂՈՎԻ ԱՆԴՐԱՆԻԿ ՆԻՍՏԸ

Ինչպես հայտնի է, քաղաքապետ Սուրեն Գրիգորյանի որոշմամբ անցկացվում է Ստեփանակերտի օրհներգի /հիմնի/  ընտրության բաց մրցույթ, որի ժամկետը սահմանվել է 100 օր:

Այսօր` հոկտեմբերի 27-ին, քաղաքապետ Սուրեն Գրիգորյանի գլխավորությամբ, ով հանդիսանում է հանձնաժողովի նախագահը, կայացել է մրցութային  հանձնաժողովի անդրանիկ նիստը: Փոխքաղաքապետ, հանձնաժողովի փոխնախագահ Արմեն Հակոբյանը ներկաներին տեղեկացրել է, որ մրցույթին մասնակցելու նպատակով հեղինակների կողմից ներկայացվել է 8 հայտ, որոնցից 4 աշխատանք է արժեք ներկայացնում: Հանձնաժողովի անդամները կարծիքներ են փոխանակել ներկայացված գործերի վերաբերյալ: Ընդգծվել է, որ դրանք պետք է լինեն օրհներգի պահանջներին համահունչ: Բոլորը միակարծիք են եղել, որ թե տեքստի և թե երաժշտության առումով, մայրաքաղաքի օրհներգը միանշանակ պիտի կատարյալ լինի, և կարողանա դիմանալ ժամանակի քննությանը, համաժողովրդական  ընդունելության  արժանանա, հոգեհարազատ լինի յուրաքանչյուր  ստեփանակերտցու/արցախցու/ համար:

Համամիտ լինելով նիստում հնչեցված  տեսակետների հետ, Ս.Գրիգորյանը համոզմունք  է հայտնել, որ քննարկումների արդյունքում կհաջողվի ճիշտ ընտրություն կատարել: Նա հանձնաժողովի անդամներին խնդրել է մանրակրկիտ ուսումնասիրություններ կատարել ու հերթական նիստին ներկայանալ կոնկրետ  առաջարկություններով:

 

 

Ստեփանակերտի քաղաքապետարանի մամուլի քարտուղար