ԿՈՊՃԱՊԱՏՎՈՒՄ ԵՆ ԾԱՅՐԱՄԱՍԱՅԻՆ ՓՈՂՈՑՆԵՐԸ

Մայրաքաղաքի բարեկարգման ծրագրի շրջանակներում արագ տեմպերով շարունակվում են ծայրամասային փողոցների կոպճապատման աշխատանքները:

Ըստ քաղաքապետարանի զարգացման ծրագրերի բաժնի պետ Էդգար Ավանեսյանի,  ավարտման փուլում են գտնվում Բաբաջանյան փողոցի /նրբանցքներով հանդերձ/ ավելի քան 1100 մետր երկարությամբ ճանապարհահատվածի կոպճապատման աշխատանքները:  Բարեկարգման աշխատանքների իրականացումը գլխավորապես ստանձնել են  <<Արցախուղի>> փակ բաժնետիրական ընկերության ճանապարհաշինարարները:

Ծրագրի շրջանակներում 2016-ին կոպճապատման կենթարկվեն Գյուրջյան, Ա.Խաչատրյան, Տեր-Ղուկասով, Ուլուբաբյան, Գ.Նժդեհ, Ա.Խաչատրյան, Առաքելյան, Ամիրյան փողոցների, ինչպես նաև Սարի լանջ թաղամասի շուրջ 6650 մետր երկարությամբ ճանապարհահատվածները:

Ստեփանակերտի քաղաքապետարանի մամուլի ծառայություն