30.08.2013 ՍՏԵՓԱՆԱԿԵՐՏԻ ՔԱՂԱՔԱՅԻՆ ՀԱՄԱՅՆՔԻ ԱՎԱԳԱՆՈՒ ՆԻՍՏԸ
Քաղաքապետ Սուրեն Գրիգորյանի նախագահությամբ օգոստոսի 29-ին կայացած Ստեփանակերտի քաղաքային համայնքի ավագանու նիստի օրակարգում հիմնականում ներառված էին համայնքի սեփականություն հանդիսացող բնակարանային ֆոնդից մի շարք քաղաքացիների, նվիրատվության կարգով բնակարանների, ինչես նաև ոչ բնակելի տարածքների` վաճառքի կարգով օտարման հետ կապված հարցեր: Անդրադառնալով սեփականաշնորհման խնդրին, քաղաքապետ Ս.Գրիգորյանը տեղեկացրեց , որ համայնքային սեփականություն հանդիսացող բնակարանների օտարման/սեփականաշնորհման/ գործընթացը մայրաքաղաք Ստեփանակերտում մեկնարկվել է դեռևս 1997 թվականից և ԼՂՀ Ազգային ժողովի կողմից գրեթե ամեն տարի երկարաձգվել է այն: Սակայն հաշվի առնելով, որ այս տարի նման որոշում չի կայացվել, և որոշ անբարեխիղճ քաղաքացիների մեղքով օտարումը տրամաբանական ավարտին չի հասցվել, նպատակահարմար է գտնվել քաղաքային համայնքի ավագանու միջամտությամբ շարունակել գործընթացը: Այդ շրջանակում էլ ավագանին որոշում ընդունեց մի խումբ քաղաքացիների, համայնքային սեփականություն հանդիսացող բնակարանային ֆոնդից` իրավունքի պետական գրանցում իրականացնել նվիրատվության կարգով` քաղաքապետարանի հետ կնքելով համապատասխան պայմանագիր: Նիստում հավանության արժանացավ նաև քաղաքային համայնքի սեփականություն հանդիսացող ոչ բնակելի տարածքների` ուղղակի վաճառքի կարգով օտարման մասին նախագիծը: Նիստում ավագանու անդամների կողմից բարձրացվեցին մայրաքաղաքի կենսաապահովման խնդիրներին առընչվող տարաբնույթ հարցեր, որոնց վերաբերյալ քաղաքապետ Սուրեն Գրիգորյանն անհրաժեշտ պարզաբանումներ կատարեց և խոստացավ անձամբ զբաղվել դրանց լուծմամբ: Ստեփանակերտի քաղաքապետի մամուլի քարտուղար |
< Վերադառնալ |